عشق ليليان 💥💕

💕23💕

- مهدي حط راسو ياكل : تندمي كي ماحكيتيليش وليام بيناتنا
تبسمت و كملت تاكل .... جاز النهار بالخف و ليليان فرحانة بوش دارت .. تخمم فهدرة مهدي .. كلامو صحيح يجي النهار و تندم
______________
- اسامة : كنت حاب نشوفها الكلاب يعسوها حتى فالخدمة ..... ( يكسر فالبيت و كريم قاعد و يشوف فيه ) ... ااه يا ربي ما بقيتش صابر راهي تتعذب.
- كريم : مي كاين حاجة تفرح ... قدمة عرض هايل ... حرت فيها اصاحبي كفاش دارتها
- اسامة : ديرها ديرها هههههههه..... الو ... وي ابتسام صافا ! .... حتا انا حاب نجيبك راني محتاجك .... معليش ما بقاش بزاف ... اتهلاي .... باي
_____________
فاتو ايامات على ليليان و مهدي كيما كل مرة .... يبهدلها و يرجع يقرب ليها و هي مش فاهمة موقفو .... مرة تقول يحبني ... و مرة تقول يكرهني ... مزال يوم واحد على الحفلة ... كيما كل مرة فات نهارها كامل خدمة ... حبة تروح للنادي و خايفة من ردة فعلو ادا طلبة اذن تخرج
- دقدقت الباب و دخلت : مسيو .. نقدر نخرج بكري اليوم
- نزل الستيلو من يدو : علاش ؟
- ااا .. كيما علابالك غدوة الحفلة نروح نشري روب
- مممم ... ماعليش روحي
- مرسي
خرجت فرحانة هزت ساكها و خرجت... حبس خدمتو هز فاست و مشى وراها ... مش مصدقها مدة و هو يتسائل على سبب خروجها فالوقت هدا كل مرة ... تبعها بالطوموبيل و هي فطاكسي ... لقاها حبست قدام باتيمون طويلة ... حبس طوموبيل بعيد و يتبع فيها بعينيه ... دخلت و يستنى فيها وقتاش تخرج .. ساعتين و هو يستنى .. شافها خارجة معاها طفلة و طفل ... الدم غلا فعروقو ... شكون هدا لي راهي معاه؟ وش كانت دير ؟ ..... شاف الطفل سلم عليهم و راح و البنات ركبو طاكسي
- مروة : ليلي ... اني حابة نجي معاك و نشوف هدا حبيب القلب
- ليليان : ههههههعههه... كون جات بيدي نديك ... ياك علابالك انا و رايحة بسيف عليهم ... مايحملونيييش
- مروة : معليش... اسمعي نخيرلك روب هباااااااال تعرفي ذوق تاعي .... نطيحهولك فالشبكة ههههههه
- ليليان : هههههههه يعطيك ضربة ... نوصلو و مبعد ساهل ... و اسمعي اي موحال تكون فالازرق ما نديرلوش وش حاب يقول الطفلة ميتة عليا
وصلو للمول و مهدي وراهم نزلو دخلو ... حتى هو حبس طوموبيل بعيد و دخل موراهم