عشق ليليان 💥💕

💕18💕

- بقا حاير فردة فعلها تبسم و قالها : اااا والو دربة خفيفة برك قاستني زجاجة
- تمسخر نتايا ؟؟ يدك كاملة مربوطة و تقولي خفيفة !!
- ليليان ... ( هزت راسها تشوف معاه لقا عينيها مدمعين ) .. ما تخافيش ما بيها والو ... كالم توا
- فاقت وش راهي تهدر تلقت يدو : تحكي و ترجع فشعرها مورا ودنها : اااه اسمحلي مسيو .. بالشفا نشاله
- هه نشاله ( نتي لي سمحيلي ليليان ... وش درتلك كامل و مزالك تخافي عليا )
وصل قدام ريسطورون صغير حبس الطوموبيل على جنب ... فتحت الباب و جايا هابطة
- وييين وين رايحة
- رجعة رجلها داخل و قاتلو : نجيب شوارما
- شاف معاها من رجليها لراسها : و نتي هكا ؟ تخرجي منا نكسرلك رجليك اغلقي الباب و اسنايني
- اوكي ... (نزل مهدي و خلاها )... اوووو ليليان غار عليك غاااار ... نزيد شوي و ندوخ ههه ( تعرف غير دوخ طفلة هادي ههههه )
ما طولش عليها و رجع ساشي فيدو ركب طوموبيل و قلع
- رفدة الساشي : مممم ..( جبدها من عندها )
- اصبري ... ( حبس الطوموبيل قدام البحر غير هوما فبلاصة هاديك ) .. تقدري تهبطي و تاكلي براحتك
- ههههه اوكي ... شحال نحب البلاصة هادي
- تعرفيها ...( طلع فوق الطوموبيل و مدلها تاكل)
- قعدت جنبو تنهدت : ااه ... ايه نعرفها ... كنت نخرج ماما و بابا ( سكتت و صوتها تخنق من غصة البكية )
كملو ياكلو فالسكات خلصو و بقات تشوف مع البحر .... شاف مع عينيها تسحر ... لونهم يجذبو و يخليه يغرق فبحرهم ... هربت دمعة من عينها فاق من سرحتو ...قدملها و يدو وراء راسها و يد اخرى فحزامها ... حاوطها و عنقها دخللها راسها فصدرو العريض ... حست بدفا صدرو كأنو كانت تستنى فيه .... قوات فالبكية و ولات شهقات .... لزها ليه كتر و يمسح على شعرها
- اششش ... ما تبكيش ... دموعك حرقونيي ... ( هبط راسو باسها من شعرها ... كبشت في صدرو بيديها الصغار ) ... ليليان كل واحد و مكتوبو فهاد الدنيا ... نتي مكتوبك تعيشي يتيمة ... لازمك تقاومي و تحاربي .. والديك يحبوك قوية
- اهئ اهئ كرهت تحملت بزاااف لوقتاش ااه اهئ اهئ بزااااف عليا
- ما بقاش بزاف .....( هزلها راسها بين يديه و يمسحلها فدموعها بصبعو الكبير من خدودها ) يزي بكا هاد العينين مش لازم يبكيو ... و زيد عمرتيني بخنايين هايا حبسيي
- تبسمت : هه اوكي ... نروحو !!