عشق ليليان 💥💕

💕24💕

يشوف فيهم يدورو من بوتيك لبوتيك ... مروة تخير و ليليان تتشرط ...
- مروة : ختي والله تعيي وشبيك هدا خيري اني عييييت
- ليليان :.......
- مروة : ايييوووووو ... وين راكي تشوفي..( شافت وين راهي تشوف ) .... واااااااااو تقتل
-ليليان : هادي هي ... ( تصرفق بيديها كي الصغار ... راحت تجري و مروة لحقتها ) ....ياااي شوفي شحال شبااااب ( شافت مع البري و تبسيمتها راحت ) ممم بطلت
- مروة تحكي معاها و هي تمشي : ليلي استناي .... لحقتها... اسمحيلي ليلي كون جاو عندي نزيدلك و تشريها
- تبسمت : معليش علبالي تحبي تعاونيني .... اااه بنت عايلة بن جابر ما تقدرش تشري روب بسوما هاديك .... هايا نروحو نشوفو لي قلتي عليها
مهدي كان يتبع فيهم و سمع وش قالو .... حس بيها مظلومة ... ماتقدرش تلبس كيما حابة بسبة ظروف مادية ... اما هي كون تاخد ورث تاع باباها تشري المول بما فيه ... شراو روب على قد دراهمها و روحو ... مهدي تاني راح للقصر وصلو نفس الوقت تلاقاو فالدخلة ... شافو مع بعض و دخلو ... لقاو ام عبدو و ام مهدي و سلمى فالصالون و معاهم مصممة و لي روب معلقين ... مهدي شاف مع ليليان لقانظرة انكسار فعينيها ..زربة هبطة عينيها و طلعت لبيتها ...تنهد و لحقها .. دقدق.. تنحي فالتيشيرت و تهدر
- ادخلي خديجة ... جبتيلي وش قتلك
دخل و حبس فبلاصتو ... مقابلتو بظهرها طلع فالتيشيرت باقيا بالديباردور
- خديججججججة .. اني نهدر م( دورت شافتو حال عنيه فيها و زاد رشقهم فصدرها لي يبان نصو مكعبر ) ااااااع وش راك دير هنا
- اااه اا نتي قلتي ادخل استري روحك و افتحي الباب ... هبط راسو حتا عاودت لبسة
- ايه وش تحتاج وش جابك عندي ( وجها حمر من الحشمة )
- عقد حواجبو و شاف فيها : اعدلي هدرتك ما تنسايش على روحك ... كنت حاب نقولك كاينة المصممة لتحت ارواحي خيري غوب تاعك
- احم ... نون مرسي ... بلاك ما تعرفش بلي المصميمين فهاد القصر ما يتعاملوش معايا ... و عندهم الحق يخدمو على جال دراهم و انا ما عنديش دراهم لي نمدلهوم ... باين ماراك عارف والو من قوانين القصر الي تطبق عليا انا برك ... مع الوقت تعرفعا كامل
- ليليان.(قبل ما يكمل هدرتو قاطعتو )
- مرسي على العرضة تاعك ... تقدر تخليني درك راني مشغولة
خرج و خلاها راح لشومبر ة و يفكر فالمجهول جاتو فكرة يلغي الحفلة لي هانتها و بينة نقاط ضعفها و تاثير سالم عليها .. لكن جاتو فكرة احسن .تبسم - هاديك هي هههه