بعد ما خلص لبس و نزل لقاها قاعدة و تلعب بفنجالها ... قعد مقابلها حط قهوتو يشرب فيها و يشوف معاها .. اما هي كانت على غير العادة ساكتة ... بعد ما خلص قهوتو وقفت و هزت كيسان القهوة تغسلهم ( فنجان هههه ديديكاس ل #بثينة ) .. شاف معاها نص كرشها و ظهرها يبانو .. في دقيقة جاتو كل الافكار فبالو .. وقف وراها و حاوطها بيديه حطهم على طرشها من قدام و دقنو على كتفها ... جمدت فبلاصتها لمستو خدرتها .. غمضة عينيها و حاولت تتحكم فروحها .. اما مقدرتش .. حس بيها اللي هي رخفت روحها ... قرب لودنها يهمس
- مهدي : كان نتي محطينيش معايا ..و قلقتي مني ... شكون يبقالي انا ؟ ... وين نسند كتفي
- ليلي : ...
- تنهد و كمل يحكي : راني نحاول نخبي عليك ... بش متشوفيش ضعفي ... منيش حايك تضعفي ... ليلي نتي نقطة ضعفي ... كلش راه على خاطرك انتي فالدرجة الاولى .. انا قلبي برد من جيهة العايلة الكدابة ... اما من جيهتك راه شاعل ... مقدرتش نفوت وجيعة لي نشوفها فعينيك ..( بعد راسو يشوف معاها لقاها قافلة عينيها و كااالم .. رجع راسو لمستوى ودنها و كمل ) .. مهما تكثلي انك قوية انا حلاص نعرفك .. بشوفة وحدة فبحر عينيك نفهم كل اللي فراسك ... كفاش تحبيني نشكيلك و نقولك اللي انا تعبان و نزيد عليك ؟
ليليان ندمت و بظات توعى على اللي دارتو ملازمش تحط ملح على الجرح هادي ثاني مرة ما تحسش بوجيعتو ... بصح حتا هي مش ناقصة ... تنهدة
- مهدي : مراني مخبي عليك حتى شي ...و اسامة كش ناوي ندخلو الحبس ... راح نهددو برك بش يفك العقد ... هادي هي المعلومة الوحيدة لي متعرفيهاش ... ايييه و كامي و عبدو درتلهوم هكاك باسكو سمعتهوم يخططو بش ياديوك ... سبقتهم و حطيتلهم حد
ليليان بقات ساكتة .. فرحة كيف سمعت كلامو ... مهدي كيف شافها ساكتة خلاها على راحتها بعد عليها و خارج من الكوزينة و يحكي
- مهدي : انا خارج راح نروح عند امين و نتي اغلقي البيبان كامل كليح و كتفتحيش الباب انا عندي مفتاح و اي جاجة عيطيلي و كان نعيطلك لازم ترفدي فالحين .. منطولش
- ليليان : اوكي
- وصل للباب و عاود رجع ليها كانت تتبسم وحدها : و حوايج هادو بدليهم قبل ما نولي ولا منضمنلكش وش يصرا ... غمزها و راح
بقات تتبسم وحدها كي البهلولة
ESTÁS LEYENDO
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
