صباح جديد فاق مهدي و ليليان مزالها راقدة غطاها و خرج بلا حس بعد ما غسل دخل الكوزينة حط قهوة و راح لصالون جبد البيسي تاعو و فلاش ديسك برونشاه و يبربش فالبيسي بعد مدة قصيرة كان خلص وش حابب غلق البيسي و كسل يديه
- مهدي : راح تخلصها غالية
- ليليان : شكون؟
دار مهدي وراه شافها رايحة جيهتو و تحك فعينيها شعرها مشعشع تبسم و استقبلها فحضنو جا راسها فرقبتو باسها على راسها
- مهدي : صباح الخير فنيانتييي
- ليليان : هههه صباح النور حبيبي راحت عليا رقدة
- مهدي : معليش حتا انا شفتك كفاش راقدة خليتك ... هيا تفطري و وجدي روحك عندنا وين نروحو
- ليليان : اوكيي
تمشي وراه للكوزينة قعدت على الطابلة و هو راح يحطلها فطور
- ليليان : مهدوشي قهوة برك
- مهدي : نوووون لازمك تاكلي .... و قهوة على الصباح وحدها مش مليحة
-قبل ما يكمل هدرتو قاطعتو بصوت مخلط بتعب : يا حبيبي مش حابة ناكل منقدرش
- مهدي تخلع من صوتها دار شاف معاها بزربة و وجهو مخطوف : ليليان وشبيك
- ليليان نزلت راسها بعدت عينيها عليه و تحاول تتحكم فصوتها : والو حبيبي متخلعش ... غير مش حابة
- مهدي هزلها وجها لقاه صفر و عينيها دابلين : ليليان اكي مريضة اصبري نشوف طبيب ... ولا هيا هيا نديك درك لسبيطار ( مهدي يحكي بلهفة و يديه تربطو ملقاش وش يدير خاف عليها )
-حكمتو بيدها و تهدي فيه من لي كانت تهدي فروحها : ياا روحي مبيا حاجة غير وجع صغير نسيت دوا فالقصر ... درك شوي تروح
- مهدي استوعب الحكايى و فهم محبش يبقا فوق راسها و يحرجها رغم اللي مكانش احراج فحاجة عادية من عند ربي كيما هاك ... ضمها ليه و باسلها راسها : يا حبيبي نخاف عليك من الشوكة الصغيرة ... ( دخل يد تحت رجليها و يد ورا رقبتها و رفدها ) .... درك تريحي و قوليلي اسم الدوا نجيبهولك متقلقيش روحك
ليليان غرست راسها فصدرو و خنست ملقاتش وش تجاوب مهيش فاحوالها فشلانة و مش قادرة دير حتى ردة فعل ... وصلها لشومبرتو و اللي ولات شوبرتهم في زوج حطها على السرير و غطاها خرج بعت العساس يجيبلو الدوا و هو دار تيزانة و كمادات الما السخون وصل الدوا هزهوم و رجع ليها
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
