عشق ليليان 💥💕

💕21💕

قاعدين فالمطعم و يستناو فصاحب شركة LO .... ليليان متوترة لانو اجتماع مهم و مش حابة تعمل اي خطأ و فنفس الوقت هي من هاد المجال الي فيه مهدي هندسة معمارية ... راهي حابة تتعلم منو و لكن هو معندوش علم وش قرات ... اما مهدي قاعد بكل ثقة فالنفس على يمينو ليليان و على يسارو ماريا ( تشفاو عليها ههههه .. معلبليش وش جابها لاجتماع ههه) ... ماريا حطت يدها على يدو
- مسيو مهدي اكيد راح نخرجو رابحين من هاد الاجتماع بفضل مجهوداتك ... مكانش لي يغلبك ( تواسي فيه ههههه )
- نطرلها يدها : هادي بلاما تقوليهالي نعرف خدمتي ... نتي اتلهاي بخدمتك
- ليليان : ههههههههههههه ... والله ما قدرة ما نظحكش اسمحولي ...ههههههههههه ( مهدي تبسم على جنب و قال فقلبو يخي مهبولة ... و ماريا بلعت لسانها هههههه )
وصل كريم و معاه رجال وراه داخلين وقفو صافحوهم و قعدو
- مهدي : نضن مديركم مش حاب يقابلني
- كريم : ياو باازور لا حكمتو كان جاي قبلك حتى ( قالها فيقلبو ).. احم .. نعتاذرو منك مسيو بن جابر اما الرحلة تأجلة و للاسف ما لحقش يكون هنا وقت الاجتماع
- مهدي : امالا ناجلوه الاجتماع ... ( قرب يوقف حكمتلو ليليان يدو و قربة لوذنو تحكي بينها بينو )
- ليليان : مسيو راك تخاطر بالمشروع و راك عارف حنا محتاجينهم مش هوما ... نقص دلال احسن ما يفسخو الشراكة و بنود العقد مش في صالحنا .... تعرف ادا فسخنا الشراكة راح نظطرو ندفعو غرامة لي حقها نص ثروة بن جابر
-عدل قعدتو : ماعليش مرة اخرى يكون حاضر .... نشرحلكم المخطط ...( وقف بعد الطباسة و بدى يشرح و يفسر و المختصين لي مع كريم يشوفو نظرات مش مليحة ما تبشرش بالخير ... فاتت ساعة و نص و هو يطرح فالعرض و يفسر ويجاوب على الاسئلة .... ليليان كانت مرة تثبة فملامح وجهو و تعشق فيه و مرة تنتبه للعرض ... حست انو الوضع ما يبشرش بالخير ) هادي هي مسيو كريم ... عندكم تعليق اخر استفسار تفضلو
- واحد من رجال كريم : ممم العرض مليح اما مش كل متطلباتنا فيه ... يعني ناقص شوي .... و تعرف انو نحوسو على تصميم يكون عصري و فيه لمسات تقليدية ... اما تصميمك عصري 100٪
مهدي وجهو تبدل هز كاس ما و شربو ... ليليان حست بالتوتر تاعو و حبت تدخل بصح خافت منو ... قررت انها تتدخل و النتيجة غير معروفة .... شافت معاه و تكلمت بصوت واثق
-ليليان : مسيو بن جابر تسمحلي نحكي