عشق ليليان 💥💕

140

كان فبيروه يخدم و ينضم فامور بزاف اهملها اليمات هادو .. دخلت عندو السيكريتار
- سيكريتار : مسيو اسامة عندك ضيف و معندوش موعد مسبق
- اسامة : شكون هدا ؟ .. معندوش موعد مدخليهش
- سيكريتار : مسيو هادا مهدي بن جابر و معاه وحدة
- اسامة بدهشة : مهدي و ليليان ؟ ... دخليهم ازربي
- سيكريتار : اوكي
دخل مهدي و ليليان حاكمة فيدو هازة راسها و تتظاهر بالقوة .. تحاول تكون قوية كيما وصاها مهدي. . تستمد القوة منو .. شخصيتو و صمودو .. القوة اللي تشوفها فيه تخليها تتشجع
طاحت عينها فعينو .. باقي يشوف معاهم حتى وصلو لبيروه
- اسامة : مرحبا ... تفضلو اقعدو
قعدو في زوج مقابلينو
- اسامة : ليليان صافا ؟
- تبسمت : لباس الحمدالله .. و نتا معليكش
- اسامة : الحمدالله
- مهدي : المهم جيتك على العقد .. ( حطلو الورق فوق الطابلة ) ... شوف هادو
- هزهم اسامة قلبهم فهم وش كاين و توقعها .. تبسم بسخرية و رماهم فوق البيرو : انا نعرف و نتا تعرف .. معندك مديرلي .. متقيسنيش بالموضوع هدا
- مهدي : وي نعرف ... اما راح تروح الشركة اللي طلعتك لسما و راح تعاود كلش من 0 ... منضنش راح تخلي حجا كيما هكا تصرا
- بلاما يهدر حتا كلمة وقف و تحرك من بلاصتو ... ليليان و مهدي يتبعو بعينيهم ... شافت ليلي مع مهدي تسال بعينيها طمنها و دارلها اشارة بيدو بمعنى استناي نشوفو .. راح لكادر كبير فالبيرو بعدو بانت وراه خزنة صغيرة .. دارلها كود و فتحها جبد منو دوسيي ... عاود غلقها و رجع الكادر ... وقف قدام ورا بيروه و حط الدوسيي بينو و بين مهدي و قعد ... فهمو اللي هو جاب العقد و يستناو فيه وش راح يهدر .. راح يكون متساهل ؟ .. ولا راح يصعبها ؟ ...