عشق ليليان 💥💕

171

خارجين من المطار مكبشة فيدو و تتفرج فالدنيا ... اول مرة تسافر و تخرج برا البلاد ... و وين ! .. امريكااا
- مهدي : عجباتك ؟
- حركت راسها بمعنى ايه : بزاااف
- مهدي : مزال مشفتي والو
استقبلهم كريم فالمطار ...
- مهدي : اوو راك هنا
- كريم : مرحبا ... ايه بعتني اسامة ندي ليليان
- مهدي و ليليان : كفاش ؟
- كريم : قالي نديها تعيش معاه
- تخطاه و يمشي فيها وراه : روح كريم. .. روح قبل ما نفزدلك وجهك
مهدي حكم طاكسي و راح ... كريم معندو ما يدير رجع عند اسامة لي كان مشغول بالعرس .... مزالو 3 ايام ... حتى ابتسام كانت على اعصابها ... بعد ما راح مهدي لدارو ... ليليان عجبتها و بقات تشكر فيها ... المرة هادي حطت حوايجها مع تاع مهدي ...
- مهدي : حبيبي فالليل راح نروحو عند اسامة ... درك عيطلي و راه مقلق عليك ... و قال ابتسام لازمها لي توقف معاها
- ليليان : حبيبي .
- مهدي : خير ... منحبهاش النبرة هادي نحسها خطر
- حكمتلو يديه بيد و اليد الثانية حطتها على خدو : كان نروح نبقا معاها ؟؟ .. هاد الليلتين نباتهم معاها ... مكانش لي توقف معاها فالوقت هادا لازم نعاون فحوايج بزاف
- مهدي : و انا شكون يتهلا فيا
- ليلي : يا حبيبي ما تقولش هكا مش راح نهرب عليك نبقا نحكي معاك 24 ساعة ... بصح غاضتني و...
- مهدي : اوكيي ... روحي و اقعدي ... بصح يا ويلك نعيط و ما ترفديش من اول مرة ...
- باستو على خدو : اوكي عمري نحببك
- مهدي : نعشقك .. كفاش راح نصبر انا اااه
______________
وصل نهار العرس ... فاتو يومين فالتحضيرات .... مهدي كان كل ساعة يعيط لليليان يسمع صوتها و يطمن عليها ...حتى فالليل يرقدو على صوت بعضاهم ... ليليان مقدرتش تخفف على ابتسام ...
بعد ما كملت شعرها و ماكياج .... خرجت الكوافوز و بقات غير ليليان ... قفلتلها الغوب و تشوف معاها فالمرايا
- ابتسام : كفاش جيت ... مش مليحة ؟ .. لازم نحيها !! .
- ليليان : ههههه وشبيك اركحييي ... جيتي شابة ... راكي تقتليييي. ... اسامة اليوم يهرب بيك ما يستناش العرس يخلص ...