عشق ليليان 💥💕

63😘

ليليان فبيروها تخدم و تعس فتيليفون .. تستنى فاسامة وصل وقت الفطور وقفت خارجة شافت 2 داخلين طفلة و طفل ... الطفل لباس عليه زين و لابس مليح و طفلة حتى هي زينة شعرها صفر واصل لكتافها عينيها مارون لابسة غوب مبينة كتافها و رجليها و طالون ينقب فاللرض ... وصلو ليها
- عادل : مسيو مهدي هنا ؟
- ليليان : ايه ... شكون نقولو ؟
- كاميليا : مكاله تقوليلو راح ندوخلو طول
خلاوها و جاو داخلين .. زربة وقفت فوجها
- ليليان : مدموزال هادي خدمتي و مش اي انسان يجي يدخل ... اعطيني اسمك و درك نقولو و يدخلك
- كاميليا بعدتها بيدها : احتارمي روحك مش نتي لي تقوليلي ندخل ولا لالا .
- عادل : كامي هادي خدمتها استناي نهدر معاها .... ( شاف مع ليليان ) ... مدموزال راح نديرولو سوربريز لازم ندخلو بلاما يعرف
- ليليان : مسيو انا خدمتي و نتحاسب عليها ...( شافت مع كاميليا من فوق لتحت ) .. ما نقدرش ندخل اي انسان بحجة كيما هادي
- كاميليا : بعديييي من طريقي .. يخي جاهلة متعرفيش سوربريز
- عادل : مدموزال رانا داخلين اقبلي ولا ما تقبليش
قبل ما يكمل هدرتو .. سمع صوت مهدي
- عادل .. كامي
شافو معاه كامل و راح ليه عادل يعنق فيه .. و هوما يظحكو زادت قربة كامي و حضنتو و تسلم بالبوس ... ليليان غير تشوف بعينيها مش فاهمة شكون هادو
- مهدي : وقتاش جيتو .. و علاه ما قلتوليش .. راكم لباس؟
- عادل : اليوم برك جينا و جيناك ديراكت من المطار ... حبينا نديرولك سوربريز
- كامي شافت مع ليليان : ايه حبينا نفاجئوك بصح الجاهلة هادي متفهمش ...( شافت مع مهدي و دبل فعينيها ) علابالك قالتلي ما ندخلش اي عبد ... ههههههه يعني انا وليت اي عبد
ليليان حست بالاهانة و خاصة مهدي ساكت و يسمعلها و هي تتلوصق فيه ... ليليان بعدت عينيها منهم و رجعت تبسمت .. بش ما تبينش غشها و غيرتها
- ليليان : بالنسبة ليا نتي اي عبد كيفك كي غيرك ... و هادي لي تقولي عليها جهل خدمتي ... اسمحولي وقت فطور انا نروح
هزت ساكها و مشات هربت تخرج قبل ما تشوفها لاصقة كتر فمهدي و هو مش معارض و تخنقهم ... مهدي جبد روحو من كامي
- مهدي : ماشي كترتيلها شوي ؟ .. هادي خدمتها عادي
- عادل : تعرف كامي كفاش و ما تتبدلش جاتك جديدة تبهديلة لي داتها سيكريتار .. كون تشوف قبل شوي قريب ضربو بعضاهم مزيا انا هنا ههههههه
.....

جام 👍 و طاڨيو صحابتكم يقراو 😻😘