- تنهد مش حاب يبعد عليها حط جبينو على جبينها غمضت عينيها .... يشوف شفايفها يرجفو ... حمر شهاوه هبط لشفايفها و يشوف فردة فعلها .... غالقة عينيها و يديها فوق صدرو صدرها يطلع و يهبط ... طبع بوسة خفيفة و بعد عليها ... حاكمها من كتافها حاسهة داخة ... تبسم ... حلت عينيها جبدت روحها منو وجها احمر طمطومة ... حشمة من الموقف ... شااخ عليها ... مخو فرحان ...خاطر ردة فعلها تبين انو اول مرة يقربلها طفل بالطريقة هادي
-ايه هيا ... ااه و اسمعي هاد اللبسة اول و اخر مرة نقولك ما تلبسيهاش ... منعاودش هدرتي
- جاوبتو بتبهليل تلعب على اعصابو : ممم علاه وشبيهاا .. مجيتش مليحة ؟
- جاوبها و هو طالع لطوموبيل : هداك هو المشكل ... جيتي شابة
حشمت هبطت راسها و طلعت ...طريق كامل و هوما ساكتين ...وصلو للقصر فتحت الباب نازلة
-ليليان
- رجعت : وي
- لي شفتيه قبيل .. يعني انا و سلمى ... متفهميش بالغالط .. مكان والو بيناتنا
- تبسمت : نون عادي ... و ماكش مظطر تفسرلي ... انا مجرد سكريتيرة و نتا مديري ... ما ندخلش فالامور الشخصية
دارت ماشية للدار حابسة دموعها بش ما تفضحهاش ... طلعت لبيتها غلقت الباب و طاحت فالارض تبكي - علاه علااه تفسرلي ااه .. مرة تبعدني و مرة تقربني يا ربي عاوني قلبي مش قوي للدرجة هادي ... رفدت روحها غسلت وجها لبست بيجاما و رقدت .... مهدي ما توقعش من روحو انو يفسرلها حتى انو ندم .. ندم على الكلام لي قالهولها و هي نفسها ردتهولو .. هي مجرد سيكريتير عندو ..خبط الفولون و بقا يخمم فهدرتها.... طلع رقد
صباح جديد على ابطالنا و احداث جديدة اليوم اجتماع بين مهدي و اسامة على المشروع .... اسامة متشوق للاجتماع و فرحان
قاعدين يفطرو و يخططو للحفلة
- سلمى : مهدي وش راح تلبس للحفلة ... لازم تقولي بش نكونو متناسقين انا و نتا
- ليليان شرقت : احئ احئ ...( هزت كاس ما شربتو ) سامحوني
- مهدي فهمها و حب يريح ليليان : مش شرط تساليني... لانو مش رايحين مع بعض .. ( شاف مع جدو ..باباه و عمو و كمل ) هاد الحفلة راح تكون نقطة انطلاق بالنسبة لعايلة بن جابر ..
- اب مهدي : وي وليدي السبع ديالي .. كون جيت من قبل ماشي خير!!
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
