عشق ليليان 💥💕

❤96❤

- ليليان تبسمت : اوكي ( فرحت بزاف كي مش راح يخبي علاقتهم هادي نقطة مهمة بزاف ... مهوش حاشم بيها ولا خايف من جدو و عايلتو )
____________
-عبدو : هدا وش راح ديري مي ناقصتنا دار
- كامي : ساهلة
- عبدو : كفاش ؟
- كامي : درك نروح و نشوفلك الدار و نجيبلك مفاتحها
- عبدو : يعني عندك دار ؟
- كامي : نوون ماشي تاعي ... مهبول نتا نحط داري فالحكاية بش يفيقولي ؟؟ ... كاينة وحدة نعرفها هنا راح تعاوني
- عبدو : اوكي
______________
بعد ما خلصو الفطور راحو خيرت ليليان تيليفون و رجعو للخدمة ... ليليان كانت تفكر كفاش راح تروح عند اسامة وشيا الحجة اللي تمدها لمهدي ... خاصة مهدي يغير عليها و تحسس من قبل منو ... خلصو خدمتهم مروحين .. هوما فطوموبيل و ليليان تهدر و متوترة
- ليليان : مهدي وش راح دير؟
- مهدي حط يدو على يدها : ديري فيا كونفيونص ؟
-ليليان : كتر من روحي
- مهدي : ملا وش نقولك تبعيني ... و بلاكي تضعفي ولا تتاثري راني هنا واقف معاك لآخر حياتي
ليليان دارتلو اشارة براسها بمعنى وي و دارت تشوف مع الطريق ... وصلو للقصر نازلة و قلبها راح يخرج من الخوف .. جبدها ليه حكمها من وجها بيديه و باسها على جبينها
- مهدي : علاه الخوف هدا كامل ... مراحش يقتلوك .. ندير مستحيل و ما يقيسوش منك شعرة .. كوراج
شباك صباع يديه مع صباعها و ماشيين داخلين للقصر .. مهدي رسم ملامح الجدية على وجهو ... مع الدخلة قابلتو ام عبدو بقات تشوف معاهم و ساكتة ... كمل راح للصالون لقاهم كامل قاعدين ... شافو معاه و الصدمة على وجوهم اسئلة بزاف تتطرح .. ملامحهم ما تبشرش بالخير .. ليليان بلعت ريقها و زيرت على مهدي و حكمتو باليد التانية من دراعو ... دور شاف معاها يطمن فيها بعينيه ... فيقتو الصيحة تاع يماه
- ام مهدي : وشنو هدا مهدي و هادي وش راهي دير معاك
- مهدي : يما هادي مرت ولدك نشاله احتارميها شوي
- اب مهدي : وش الهدرة هادي مكانش منها
- مهدي : علاه بابا مشي تحبوني نزوج ... و انا خيرت ليليان