عشق ليليان 💥💕

💕48💕

-ماشي لبيتها و يتحلف فيها : يعني نتي حابة تنطقيني ...
وصل لبيتها حل الباب و حبس فبلاصتو ... يشوف فيها مغمضة عينيها و تشطح ... تبسيمة على فمها ... زاد ركز مع جسمها ريقو شااح .. حس جسمو سخوون ... يشوف فتفاصيل جسمها و كفاش تطلع و تهبط و حزامها العريان ... غمض عينيه ينحي فالافكار الي جاتو ... غلق الباب و يقدم جيهة ليباف دور عينيه على البيت .. لقاعا نحات البونك جبدتو و مخليا بلاصة واسعة بش تعرف تتحرك ... سكت الباف و عقد يديه و يشوف معاها ... كي حبست الغناية حلت عينيها و دارت تشوف لقاتو واقف و يخزر فيها ... بلعت ريقها من شوفتو خافت يمرمدها ههههه ... قدمت جيهتو
- ليليان : تقدر تفهمني وش درت
- اول حاجة ما نحبش الحس ... ثانية عندنا صحافة برا ... آخر مرة نعاود هدرتي ... اقعدي عاقلة اليوم منيش فمورال تاع تستفزيني
- حطت عينها فعينو و تتحدا فيه : اول حاجة ما يهمنيش وش تحب .. ثانية ما يهمنيش فالصحافة و فضايحكم ... و واحد ما قالك اهدر معاي و عاود هدرتك ... و ما تقرب ليا ما نقيسلك مورالك
حكمها من دراعها و جبدها ليه صدرها خبط فضدرو عينسها فعينيه نفسهم تخلط .. يزير على دراعها و يحكي عروقو بانو من الغش
- سايستك بزاف و نشوف فلسانك طوال ... اني راسح و 5 دقايق نلقاك لتحت .. ديري حاجة غالطة قدامهم ولا تنطقي كلمة تشوفو وجهي التاني
- اااه يدي ... وجعتنييي
عينيها تعمرو دموع ... كي شاف دموعها فاق و طلقها ... خرج هبط عند جدو .. ليليان حاكمة يدها و تتوجع مسحت الدموع الي فيعينها و دخلت دارت دوش لبست غوب ( التصويرة ) و صندال عالية ( التصويرة ) و شعرها كيرلي .. جات سيكسي
نازلة من دروج و تشوف العايلة كامل ملمومين قاعدين ورا طابلة و مقابلينهم كراسى فيهم صحافيين ... قدمت كتر شافت سالم قاعظ و على جنبو اليسار اب مهدي اب عبدو عبدو و على اليمين مهدي و بلاصة فارغة و ام عبدو و ام مهدي ... فهمت بلي هاديك بلاصة سلمى
- ليليان في قلبها : اوووف يعني هديك تقعد قدامو ... و انا ويمدن نقعد درك ... كي مراهمش دايرينلي حساب علاه جايبني
راحت وقفت بجنب ام مهدي ... مهدي شافها اشرلها بيدو بش تروح تقعد قدامو
- سالم يهمس لمهدي : وش راك دير ... بلاصة سلمى ... و هديك المتخلفة درك تبهدل بينا كتر