عشق ليليان 💥💕

145

- ليليان : غدوة رايحة لماريكان مع مهدييي
- مروة : اااااااااااههههه كلببببة دبرتيهااااا ... حبسي
- ليليان : خير
- مروة : يعني تروحي و تخليني ... يعني هادي آخر مرة نشوفك ... هادي هي العشرة .. خليتي نهار اللخر و جايا تقوليلي
تعمرو عينيهم بالدموع في زوج يحبو بعض و يعتبرو كيف الاخوات عشرة و الايام لي جمعتهم كانت كبيرة ...
وقفت ليليان و قعدت فجنبها و حضنو بعضاهم و دموعهم تسيل
- ليليان : اسمحيلي ... حتا انا و الله ما كنت علابالي حتا اليوم ...
- مروة : مش راح تنسايني و تبقاي دايما تحكي معاي
- ليليان : كفاش ننسا ختي ... غير نتي مننساكش ... راح نبقاو اون كونتاكت ... و راح نجي لعرسك نتي و امين قبل بسمانة و نوقف معاك كيما ختك
- مروة : ان شاء الله ... ربي يهنيك و يوفقك ... مدابيا تروحي مع مهدي علابالي راح يتهلا فيك
______________
خارج من المطار و رايح ليطاكسيور ... حط فاليز فلامان و طلع ... راح ديراكت لدار مهدي
وصل لقا العساس فالباب حبسو
- تفضل
- عادل : يزيد فضلك ... مهدي راه هنا !!
- لالا مكانشو ...
- عادل : اوكي نقدر ندخل
- اسمحلي منقدرش ندخلك منعرفكش
- عادل : اوكي اوكي
هز تيليفون و كومبوزا نومرو مهدي و حطو اوت بالور
- مهدي : اهلاااا كفاش تفكرتني
- عادل : دايمن نتفكر شوف روحك
- مهدي : ايه باين ... عادل راك عيتلي بنومرو تاع دزاير ... ما تقوليش جيت و انا لاخبر
- عادل : ايه جيت و راني قدام دارك واقف و مخلانيش العساس ندخل
- مهدي : تساهل ا كلب خاطر ما قتليش جاي .. قولي وش كاين غير الخير ؟
- عادل : مكان والو ... كي تجي نحكيو درك قولو يخليني ندخل ميت بالعيا حابب نرقد
- مهدي : اوكي .. مدلو تيليفون
- عادل : راه يسمع اهدر برك
- مهدي : عمي حسان