كوبات و شافت مهدي داخل للريسطورون مع عادل و كامي ... نزلت راسها و تاكل قعدو بعيد عليها بصح مقابلينها ما شافوهاش ... هي مرة على مرة تهز عينها تشوفهم يظحكو كامي بجنب مهدي و كل مرة تلوح يدها ليه و عادل غير يظحك
- مهدي : مالا الشركة اي مليحة
- عادل : ويي مليحة .. نكملو هكا رانا ملاح .. نتا هنا و حنا لهيه و نسقو بيناتنا ... المهم ما تتهاونش و تهمل شركتنا
- كامي : وي مهدي ما تشتتش افكارك هنا و تنسى تعبنا و كلش راهو قايم عليك
- مهدي : هادي باينة نستغنى على خدمتي لي هنا و ما نستغناش على تعبنا .. هداك وش حققنا فالحيات ما نسيتش الليالي لي تعبناهم ... قولولي وين تقعدو ؟
- عادل : رانا فاوتيل
- مهدي : كفاش جيتو عندي و تقعدو فاوتيل ... تروحو معايا للقصر و تقعدو لتما
- عادل : لالا بزاف اك تعرف نخرجو ندخلو و نتوما جو عايلة .. نقلقوكم برك
- مهدي : ما تمسخرش .. قتلكم تجيو تجيو مكانش نقاش و درك نعيطلهم يوجدولكم بيوتكم
- كامي : اوكي .. خلاص عادل نروحو ( كامي عجبها الحال بش تبقى مع مهدي )
هوما يحكيو و ليليان فاتت جنبهم راجعة للبيرو .. مهدي شافها بقى يتبع فيها حتى ما بانتش عرفها قلقانة ... و هي فاتت و ما حستوش انها شافتو ولا اهتمت بوجودو
____________
-سالم : الو عبدو ... نحبك نتا لي تبع ليليان ... حبس خدمتك و تبعها نتكل عليك ... و خليها تروح وين تحب راقبها برك
-عبدو : حاضر
_________
رجعو للبيرو و هوما يظحكو و يحكيو بعدما دخلو عيطلها قالها دخلهم قهوة ... حطتهالهم و جات خارجة
- مهدي : ليليان ... الغيلي كلش هاد العشية راني رايح ... و حتا نتي تقدري تخرجي
- ليليان : اوكي
ليليان دارت وش قالها مهدي و خرجت قبلهم راحت للنادي و هي مش قادرة .. اول مرة ما تحبش التمرينات .. وصلت سلمت على مروة و خرجو يدورو
- مروة : اهيييه وشراكييي.. هادي غيبة احكيلي وش صاري اليامات هادو .. و الحفلة هاديك كفاش فاتت
VOUS LISEZ
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
