كملت 24 ساعة على الميساج لي بعتو مهدي ... كانو خارجين من المطار بلا فايدة مكان حتا جديد ... الحجز مزال و وقت الطيارة فات ... ركبت فالطوموبيل حاطة يديها على وجها و ساكتة ... حتى عادل ملقاش وش يهدر ...
- عادل : تعرفي دار اسامة ؟
- حركة راسها بمعنى لا : نروحو للشركة و نسقسيو
- عادل : ممكن
راحو لشركة LO لقاو شوي موظفسن كان الوقت تأخر و لحسن الحظ لحقو على سيكريتار تاع اسامة ...
- مسيو قتلكم منقدرش نمدهولكم ... تحبو درك نعيطلو و اهدرو معاه
- عادل : لالا نحوسو على دارو عندنا رقمو
- ليليان : هيا عادل ... نتحركو قبل ما نخنقها هنا ... ( مشاو خارجين ليليان تتخنزر فيها راح تقطعها بعينيها )
هوما راح يركبو فالطوموبيل شافت كريم تاني فطوموبيل راح يخرج من باركينغ ... راحت تجري و عاظل يعيط عليها
- عادل : ليليااان ... وين رايحة ... ليليااان
وقفت قدام الطوموبيل و صدرها طالع هابط من الجري ... كريم باقي غير يشوف كفاش حبستو قريب قاسها ... نزل من طوموبيل ... لحق عادل جبدها من يدها دورها ليه
- بعياط : وشبيييييك ... هبلتييي ... تلوحي روحك قدام طوموبيل كي المهبول ... افطني مع روحك
- كريم : ليليان اكي مليحة ؟
- عادل شاف مع كريم عاود شاف مع ليليان تعرفيه ؟
- ليليان : ايه ... محامي تاع اسامة
- كريم : مد يدو ل عادل ... كريم #### .. محامي الشركة
- بادلو عادل السلام حط يديه فجيابو و هدر : ملا تقدر تعاوناا
- كريم : فواش ؟
- ليليان : دار اسامة ... راني حابة نروحلو درك
- كريم : ايه مكانش مشكل ... كنت رايح تما عندكم طوموبيل ؟ .. تبعوني
راحو طلعو و يمشيو وراه ... ليليان تلعب بصباعها من توتر ... حتا وصلو مع حبست طوموبيل نزلت و راحت تمشي بزربة
- عادل : ليليان استناااي ... ( خبط على الفولولن ) يا ربي طفلة هادي كيفو بعد كيفووو عليها تحابو
نزل و لحقها هو و كريم ... طبطبت فالباب بزربة بكل قوتها ... ابتسام كانت فالصالون ... خرجت تجري فتحت الباب ... شافتها عقدت حواجبها
- ابتسام : ليليان !!
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
