عشق ليليان 💥💕

104

جبدها ليه و عنقها بكل طاقتو كانو يجبي فيها عندو يطمن فيها اللي هي معاه و مش راح تتعدب .. ليليان كبشت فيه و بقات ساكتة دموعها نازلين بصمت مدة طويلة و هوما على هديك الحالة يمسحلها على ظهرها حتى حسها هدات .. خرجها من حضنو و يمسحلها فخدودها .. قلبو تشحن حالف يندم اللي عدبها الف سؤال جاه لراسو و هو يشوف فيها
- مهدي : يا روحي احكي فرغي
- ليليان : وش نحكي وش نخلي ... ( حكمتو بيديها الزوج من وجهو ) .. حبيبي مش راح تخليني ؟ راح تبقى معاي ؟ ( تهدر و تحرك فراسها بلهفة )
- مهدي يهدي فيها : اشششش وش الهدرة هادي عمري لا نخليك ولا نخمم فيها ... كاش انسان يتخلى على حياتو و الهوا اللي يتنفسو ؟
- ليليان : نحبك .. نعشقك .. نتا الانسان الوحيد اللي عندي فالدنيا هادي
- مهدي : حتى انا نعشقك يا روحي ... هيا نروحو هيا نروحو للدار مبعد راح نحلو كلش
- ليليان حركت راسها بمعنى ايه : ايه هيا
وقفها يمشيو و لافها بيدو مدخلها فحضنو وجهو صعيب تفسريه من كمية الغش اللي فيه .. ؤكبها و رطلع هو تاني و ديمارا كانت حاكمتلو يدو و حاطة راسها على كتفو ... كان مرة على مرة يشوف معاها و يبوسها على شعرها .. وصلو لقاها غفات على كتفو حرك غير بشوي بش ما تفطنش .. راح لجيهتها رفدعا و طلعها لشومبرتها عدلها و غطاها و خرج و غلق عليها الباب
نزل لصالو و هو يجكي فتيليفون
-مهدي : وي كمال ... وجدت وش قتلك ؟ ... نحتاجك درك تجيبهم ... لالا وصلهم بيدك مكانش كونفيونص .. درك نبعتلك لادراس
- مهدي : الو وي ... اعطيني شوفور ******.... ( ستنا وقت قصير ) .. وي ... نتا لي وصلت مدموزال ليليان من ساعتين ؟ ... وين ديتها ؟ .... كفاش ؟ راك متاكد ؟ ... اوكي
غلق التيليفون و قعد على الفوتاي حاكم راسو بين يديه .. ملقاش تفسير وش راحت دير عند اسامة العميري .. وش علاقتو بيها ... علاه كدبت عليه ... حس راسو راح يطرطق ... رفد فاز اللول اللي لقاه قدامو و رماه على الحيط يحاول ينقص من الغضب اللي داخلو باقي رايح جاي مرة يطل عليها مرة يطل على التاقة يستنى فكمال اعصابو تلفت ... سمع الباب طبطب راح فتحها
- مهدي : اااه كمال ادخل طولت
- كمال : مهدي .. كاين حوايج كبار ماكش عارفهم
*****