عشق ليليان 💥💕

💕3💕

ناض الصباح بكري لبس حوايج سبور و راح يجري .... الوقت هدا فطنت و دارت دوش خفيف بش تصحصح مهيش راقدة مليح خرجرت شيحت شعرها دارتو كودشوفال لبست سروال سليم noir شوميز blanc دخلتها ف السروال و فاست جلد قصيرة noir كونفارس ابيض هازة ساكها و راحت تفطر
- صباح الخير ...كامل يفطرو مش معتبرينها موجودة ..شافت معاهم و قعدت تفطر فسكات .... سلمى تشوف معاها و مغزلة من زينها و من وجودها فالحياة تغير منها و تكرهها من غير سبب ... عبدو مش مهتم بليليان مكانش مشاعر بيناتهم لا كره لا محبة
- مهدي : صباح الخير
- الكل : صباح النور ....ليليان هزت راسها تشوف فيه و تتمعن فالرجولة الطاغية مظهرو يشهيك تاكلو مع الكوستيم النوار المسنتر على بدنو ... خلصت ليليان فطورها و قامت ماشية سمعت صوت يناديلها تلفتة
- سالم : ليليان.... واش هدرنا على هاد البسة ... راكي رايحة لشركة كبيرة و محترمة الالة ... مرة اخرى البسي حاجة تليق مشي هكا تقول رايحة لماناج
- هادي هي لبستي .... و مش عاجبكم الحال تقدرو ترموني برا و ما تحوسوش عليا ( دارت و جات ماشية تسمع فيد خبط الطابلة وقفت فبلاصتها ) ... مهدي يسمع فيها كفاش تهدر و اعصابو تحرقو على كلامها مع جدو ما يتحملش اي انسان يهينو ... خبط الطابلة بيدو وقف مشى ليها حكمها من يدها و دورها ليه و هو يضغط على مرفقها
- الوقاحة هدي و قلة التربية ما تطلقيهاش على جدي ... (بالعياط ) اكي فاهماااا (هي تتوجع تحتو و تبعدلو فيدو فاق لما خرجت منها ... ااي... طبعها و دار راجع لبلاصتو كانو ما صرا شي مشات لخدمتها و هي كلها حقد و كراهية عايلتها كل تكرهها حتى هو الي كانت متفائلة بيه يبخر بريحتها ندمت على الشعور الي حستو جيهتو ..... وصلت لشركة الي هي الفرع الرئيسي نفسو الي يترأسو مهدي هي مديرة تنفيدية ... جدها حارمها من حقها فالورث املاكو مقسمها على احفادو الثلاثة و هي خارج القائمة ... كل لبستها و مكياجها مصروفها من شهريتها فقط مكانش مدخول اخر عكس اولاد عمها الي كل مرة الكونط يتعمر
دخل للشركة الناس الكل ترحب بيه دخل لبيروه لحقتو سيكريتار
- اطلبي الموظفين كامل عندنا اجتماع في الحين
- حاضر مسيو
ربع ساعة دخل قاعة الاجتماعات و راسو فوق البنات يتغامزو عليه الطايحة كتر من النايضة ههههه الا ليليان لي كانت تتغزل من نظرات البنات ليه مش عاجبها الوضع .... حبت تدربهم بالوحدة و تفهمهم بلي ملكية خاصة اما فاقت مع روحها كيما تفكرت هدرتو و نظرتو ليها صباح تبسمت بقهرة .... داخل يشوف فيها مع الموظفين شاف تبسيمة على شفايفها ما فهمهاش طفاها و حمحم بدا هدرتو
- احم ... بون مش لازم نعرف روحي نظن كامل تعرفوني .... بعد استقالة السي سالم انا المسؤول هنا .... يعني انا الامر الناهي .... بالنسبة للقوانين تبقى نفسها نحب الانظباط و الجدية .... واضح؟
الكل : واضح

جام 👍