عشق ليليان 💥💕

💋 177 و الاخيرة 😍

بعد مدة طويلة ... تحل الباب و دخلت ... قغدت قدامو
- ليليان : حبيبي هيا نتعشاو
- مهدي : اوكي اني جاي
تبسمت باستو على خدو و خرجت ... قاعدين و يستناو فيه قعد جنب ليليان ... حطتلو فصحن و بداو كامل ياكلو فسكات حتا كسر هو الصمت ..
- مهدي : و جدي وين راه علاش ما جاش !!
- تبسمت ام مهدي : ما يقدرش يركب الطيارة ... صحتو ضعيفة
- اب مهدي : مهدي وليدي راك مليح ؟؟ .. احوالك مليحة ؟؟ صحتك مليحة ؟
- مهدي : الحمد لله و نتوما ؟
- ام مهدي : كي شفتك و هدرت معاك راني مليحة
تبسملها مهدي ... و هنا بدات ترجع المياه لمجاريها ... رجعت العلاقة بينهم تحسنت و مهدي كل ما تسمحلو الفرصة يشكر ليليان
****** بعد 4 سنين *****
- مامااا
- ليليان : راني جيييت
- مهدي : ليلي هياااا راح الحال عندنا اجتماع
- طلعت فطوموبيل : كيفك كي بنتك دالو تعيطو هيا هيا ...
- الين : اييييه ماما نتي ديما طولي
- مهدي : شفتي شفتي بنتك راهي شاهدة
- ليلي : ماعليش ماعليش اشفاو عليها
وصلو قدام مبنى صغير **LiLi Dance **
-ليلي: هيا ماما رانا وصلنا ... و نرجعلك كيما موالفين ... كوني عاقلة ... و شاطرة
- الين : مواح ماما مواح بابا
- مهدي : مواح ..بااي ... راه يفيد فيها النادي هاد النتشة ... كان تشوفي البارح كفاش تشطح تحيرييي
- ليلي : اييييه خارجة لماماهااااا
جبدها ليه بيدو و باسها على فمها ...
- مهدي : وش رايك فخوها ؟؟ ... راهي كبرت درك
- ليليان : ايه حتا انا راني حابة مهدي صغيرون
- مهدي : نحبك
- ليليان : نعشقك يا عشق ليليان

❤******النهاية******❤