عشق ليليان 💥💕

144

-ليليان : ويي مروة ... نتلاقاو درك ؟ ... وي لازم عندي ما نقولك ... اوكي كي العادة ... نص ساعة نكون تما ... باي
كوبات و شافت مع مهدي
- ليليان : خلاص تفاهمة معاها نروحو ؟
- حط يدو فيدها و مشاو : هيا
طلعو و رايحين جيهة البحر ... كافي تما مالفين ليليان و مروة يقعدو فيها ... بعد نص ساعة تقريبا وصلو ركا الطوموبيل و دور يوصي فيها
- مهدي : حبيبي ما نطولش بزاف وحد الساعتين و نرجع نهزك .. ما تحركيش منا و كان حبيتي تروحي قبل عيطيلي نجيك ...
- ليليان : اوكييي
- مهدي : اتهلاي فروحك ... نحبك
- باستو على خدو : نحبك
نزلت و داخلة حتى حبسها صوتو يعيط عليها دورت ليه لقاتو نزل و رايح جيهتها ... وصل ليها حضنها بقات مبهمة ... دورة يديها على ظهرو و حضنتو حتا هي ... جبد روحو و باسها على جبينها
تملاو عينيها بالدموع علاه راو يديرلها هاكدا
- ليليان : حبيبي راك مليح !! وشبيك ديرلي هكا ساعتين برك و نعاودو نتلاقاو
- مهدي : حبيت نحضنك هادي هي .. راح نتوحشك حتا ساعتين و بزاااف بالنسبة ليا .... روحي درك حبيبي روحي
- ليليان : باي يا روحي
خلاها و مشا لطوموبيلتو ديمارا و هو يفكر فيها استغرب من روحو و من الاحساس لي جاه ... قلق او خوف مكانش عارف .. استطرد كامل الافكار من مخو و اعتبرها وحش بررررك
- مروة : هااااي حبيي توحشتك
- ليليان : هاي .. حتى انا ما تصوريش قداه
- مروة : صفا راكي مليحة ؟
- ليليان : مليحة مليحة و نتي ؟
- مروة : لبااااس ... ( حطت يدها فوق يد ليليان ) وشبيك دخلتي وجهك مقلوب ؟ كشما كاين ؟
- ليليان : لالا مكان والو عادي .. بانتلك برك
- مروة : ليليان نعرفك ... احكيلي .. صافا مع مهدي ؟
- ليليان : ما تخميش قتلك مكان والو ..و انا و مهدي رانا بيااان ... حتا هو لي وصلني درك و مبعد يجي يديني
- مروة : هيا مليح .. ريحتيني ... اهيه كش جديد
- ترسمت ابتسامة عريضة على فمها و تشوف معاها (نوع من التشويق ههههه ) : كاين
- مروة : اواااه نعرفها الظحكة هادي واعررة ... ازربي اهدري