عشق ليليان 💥💕

😍78😍

تمشي قبلو و تزرب بش توصل للطوموبيل خايفة و مش مطمنتها هدرة امين ... ركبو و مشاو تشبك فيديها و تشوف مع الطريق مهدي حط يدو على يدها و يطمن فيها
- مهدي : ركحي روحك ... اني معاك
- شافت معاه و تبسمت .. فرحة لوقفتو معاها : ما تخلينيش منيش قادرة على صدمة جديدة
وصلو قدام عمارة نفسها اللي نهار شافها خارجة منها نزلت تجري و هو لحقها دخلت اصانصور و هو فجنبها .. مبع شافت معاه و ميلت راسها
- مهدي : وش كاين
- ليلي : كفاش عرفت لادراس
- مهدي هزلها كتافو : عرفتها و خلاص ...( بقات تشوف معاه و تستنى فجواب ) ... ليليان مش وقت
وصلو للايطاج هي تنشي و هو وراها فتحت الباب و داخلة تشوف غير فالظلمة رايحة جيهة القاعة الكبيرة و هي تعيط باسمهم
- ليلي : اميييين ... مرووووة .. وينكم .. اميييييين
كانت الظلمة و مهدي وراها يمشي و يدور فراسو كشما يشوف .. فجأة شعلو الضواو كااامل .. ليليان بقات واقفة و حالة فمها بقات فنفس الوضعية دقيقة كامل و هي تشوف و تتفهم فالموقف اللي قدامها ... مهدي تبسم و كتف يديه و يتفرج فيها و فالمفاجئة كانت طابلة كبييييرة فيها تارت و شموع دايرسن عليها كامل الاعضاء تاع النادي اللي تعرفهم و يعرفوها حتى اللي مش متعودة تحكي معاهم و لقاتهم ... كان امين و مروة فالواجهة
- الكل : joyeux anniversaire ... Joyeux anniversaire joyeux anniversaire liliiiii....... joyeux anniversaire
كانو الكل يغنيو و يصفقو و هي تبسيمتها تعراض حطت يدها على فمها و تشوف معاهم ... قدمت ليها مروة و حكمتلها يديها
- مروة : كل عام و نتي بالف خيير
- ليلي حضنتها و تخبط فيها على ضهرها : وشمن خير مع خلعة كيما هادي ... مرسي حبيبتيييي
- امين : ربي يطول في عمرك ليلي و تشوفي خلايع كتر من هادي هههههه
- ليلي : هههههههههه والله خلعتوني هيا فكرة شكون
- امين : فكرتنا كااامل
-ليلي شافت معاهم و قدمت ليهم : مرسي عليكم فرحتوني
- مروة : هيا طفي الشموع
ليليان وقفت و طفات الشموع و هوما يصفقو و يصفرو قطعت الڨاتو و مدت لمروة و امين ... مبعد تفكرت مهدي دارت جيهة الباب شافت مهدي يشوف معاها و يحكي فالتيليفون
- مهدي : عادل ما تقلقش صحابها دارولها مفاجئة لعيد ميلادها ... صحا ... اوكي .. باي
رايحة عندو و فيدها مورسو ڨاتو تشوف معاه و تتبسم حتى هو .. وصلت ليه