عشق ليليان 💥💕

103

مستحيل تستغنى على عشقها .. مهدي هو عشق ليليان .... انسان توعد انو يحميها من الدنيا واجه اغلى الناس عندو على خاطرها هي ... تحمل سكوتها و كونها تخبي عليه اسرار راهو يحاول يحييها و يحققلها امانيها يفكر فراحتها اكتر من راحتو ..... و في الجيهة الثانية اخ قلبو قاسي على اقرب انسانة ليه ... حاقد و معمي بنار الانتقام ... المادة عماتلو عينيه يستغنى على اختو القطعة الوحيدة من عائلتو على جال ورث ... اخت ضحات بسنين حياتها على خاطرو ... ليليان فاقت انو الدنيا ما ترحمش كانت تقول اللي كاين امل تعيش حياة عادية مع خوها و حب حياتها بصح الدنيا عمرها لا تفرحك كيما تحسبلها ... كاين مفاجئات تغير مجرى حياتك 360° ... منها يكون تغير ايجابي و منها السلبي ... ليليان كانت دايما تواجه السلبي ...
فاقت على صوت التيليفون دورت راسها تشوف هي وين .. كانت فجنينة قاعدة دموعها شلال .. عاود تيليفونها شافت معاه لقاتو مهدي ... باقية تشوف و مش عارفة وش راهي دير كانو راهي فغيبوبة تشوف و متقدرش تستجيب ... بعد مدة و تيليفونها يصرع فاقت على روحها ... هدا الانسان اللي لازم تكون معاه هدا الانسان اللي يستاهل كل التضحيات فالحياة ... مسحت دموعها بكفوف يديها و رفدت عليه
- مهدي : الو وين راكي عندي نص ساعة نعيط ما ترفديش ... الووو .. ليليان ... يا روحي رودي ما تخلعينيش عليك .. ليليااان
ليليان ما قدرتش تتحكم فروحها عاودت قوات فبكيتها .. تبكي بالشهقة مقدرتش تحكي ... تبكي و تفرغ فقلبها كانها تشكيلو ... مهدي تفجع قلبو حسو وقف معرفش وش يدير هدر معاها و قلبو راح يحبس
- مهدي : ليليان ... ليليان وش كاين ... ليليان علاه تبكي ... ليلياااان ... وين راكيي ...
- ليليان تهدر و تبكي بالشهقة : ف.. ف جنينة *****
- مهدي رفد مفاتخو و خرج يجري : اشششش ما تبكيش ... ليليان يا روحي ارحميني
ليليان غير تسمع و تزيد تبكي كتر و كتر
مهدي محبش يقطع خايف كشما يصرالها كتر يسوق و يضرب فالفولون وصل رافد تيليفون و يهدي فيها و هي بدات تهدى شافها من بعيد راح ليها يجري يشوف فحالتها كفاش عينيها حمورة من البكا و ترجف وصل ليها عيط عليها شافت معاه و ميلت راسها تشكيلو بعينيها ... رجليه فشلو من منظرها انسانة محطمة بكل معنى الكلمة ..

*****
بكيتو ولا مزااااااااال 😪😪😪؟؟؟