صباح جديد فاقت قبلو راحت لبست و نزلت لكوزينة هي خلصت فطور و هو نزل لقاها تسنا فيه
- مهدي باسها على خدها : صباح الخير
- ليليان : صباح النور ...وجدتاك فطور هيا ناكلو و نروحو
بعد ما كلاو و راحو للشركة ليليان لقات بيرو فنفس الشومبرة تاع مهدي عجبها و فرحت بيه حتى مهدي فرح لفرحتها ... بداو الخدمة و ليليان تخب تروح عند اسامة ملقاتش حجة بش تخرج
- ليليان : اااااااا
- مهدي : وش كاين
- ليليان : تفكرت مروة
- مهدي : شكون مروة ؟
- ليليان : هاديك صحبتي .... نتلاقاو اليوم عندها ما تحكيلي
- مهدي : ضيق عينيه فيها : و مبعد ؟
- ليليان راحت حكمتلو يدو : حبيبي لازم نشوفها تعرف غييير هي لي مالفة نلقاها معاي ... ميلت راسها دبل فعينيها
- مهدي : اوكي اوكي روحي ... بصح ادي معاك شوفور ولا يسناك و يرجعك هنا
- ليليان : لالا علاه هدا درك نروح فطاكسي برك
- مهدي : ليليان
- ليليان : حبيبي ما نحبش هاد العفسات تاع شوفور
- مهدي : روحي مالا و عندك ساعة كان فوتيها تشوفي وش ندير فيك و منيش نتمسخر
-تبسمت: اوكي باستو على خدو و هزت ساكها و جات خارجة حبسها صوتو
- مهدي : ليليان ... ( شافت معاه ) ... نحبك
- رجعت ليه حضنتو بكل طاقتها و باستو على خدو : نحبك
خرجت و حاسة قلبها مقبوض مش مرتاحة ... حتى مهدي جاه احساس خايب .. كدبو و كمل خدمتو
ليليان بعد ما خرجت و هي تخمم فردة فعل اسامة ... خايفة من اللي جاي ... وصلت للشركة عند بيروه قالت لسيكريتير دخلها ... اسامة كي عرف اللي هي جاتو فرح و دخلها
- اسامة حضنها : جيتي حتى انا كنت حاب نشوفك
- ليليان قعدت و هو قابلها : راك مليح ؟/
- اسامة : وي لباس
- ليليان : و ابتسام ؟
- اسامة : الحمدالله ... قوليلي نتي اخبارك
- ليليان : مليحة
- اسامة : وجهك مش عاجبني كشما كاين ؟
********
جام
VOUS LISEZ
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
