عشق ليليان 💥💕

😘69😘

- مهدي : هيه غارق و غارق للخر تاني و غرقة منيش قادر نخرج منها .. نحبها و نعشقها رتحت درك؟
- عادل : و علاه حابب تخرج منها ؟ .. ارمي شوي غرورك و عيش حياتك و حقق وش حابب ... ناكدلك اللي هي تاني تحبك
- مهدي : بركانا .. صح دير حوايج يباينو هكاك و تغير بصح بش تحبني مشكيييتش
- عادل : عمري غلطت فحاجة كيما هادي... مهدي الطفلة باينة حزينة و مهمومة .. كون معاها متكونش عليها
مشى و خلاه يفكر فهدرتو .. طلع لبيتو و بدا احساس الذنب عادل عندو حق راهو يزيظ عليها مهيش ناقصة رقد و هو يخمم و مش لاقي جواب ... الجواب كاين بصح غرورو مخلاهش يشوف
جا صباح جديد و جاب معاه مفاجئة لليليان .. كانو كامل ملمومين على الفطور حتى عادل و كاميليا .. يحكيو حتى نزلت ليليان قعدت معاهم
- عادل : صباح الخير
- ليليان : صباح النوور
- عادل : اكي مليحة ؟
- ليليان تبسمت معاه : حمدلله و نتا ؟
- عادل : بيااان
هوما يحكيو و مهدي يتخنزر فعادل اللي كان مش سامع بيه سالم حمحم و هدر مع ليليان بلاما يشوف معاها بصفة الامر
- سالم : اسمعيني مليح نتي تروحي تلمي حوايجك من شومبرة و تفرغيها و تقعدي فبيت اللي التحت قدام الكوزينة
مهدي كان ياكل شرقتلو ولا يكح مدتلو يماه يشرب الما .. ليليان ما دارت حتى ردة فعل بقات تشوف معاه و ساكتة مستوعبتش وش راهو يقولها ... يعني تقعد فبيت كيفها كي الخدامات خممت انو تتجاهلو و دير وش حابة هي حبت توقفلو فوجهو و ترجع كرامتها بصح تفكرت هدرت اسامة لازم ما تبينش اللي هي تعرف كلش خممت وش دير لازمها تكمل تتدل و خلاص ... عاظل ما مهم فيها والو يشوف فيها مصدومة حركها من يدها .. شافت فيه و تبسمت
- ليليان : و علاه ؟
- مهدي : جدي ليليان ما تبدلش شومبرة
- سالم : مهدي هدا امر ما يخصكش
- مهدي بدا يعلي فصوتو : يخصني الامر .. (وقف و صوتو علا كتر و كتر ليليان معرفتش وش دير ) .. مانيش فاهم وش راك تستفاد .. ليليان ما تخرجش من شومبرتها و اللي مقلقو الحال يحكي معاي انا
وقف سالم راح يهدر معاه خلاه و مشى ليليان وقفت و شافت مع سالم