عشق ليليان 💥💕

130

-اب عبدو : ههههههههههههههههه برافو ... وش راك حاب تفوتها عليا ؟؟ ... و شكون يضمنلي مراكش واقف مع وليدك
- اب مهدي وقف فوجهو و يعيط : مراكش تشوف كفاش رماني حتى انااا مهموش فيا ... و تعرفو مليح كي توصل للحق و لمبادئو مش راح يعتبرني باباه
-سالم : سكتونااااا .. ( دارو كامل شافو جيهتو ... ولادو حطو روسهم فاللرض .. مبعد قدم ليه اب عبدو)
- اب عبدو : وش راح نديرو درك ... الصفقات لي حكمناهم فوجود مهدي راهم يتفسخو وحدا ورا ختها ... رانا نخسرو فيهم كانو متاملين فمهدي
- سالم : مكانش حل جربو احكو معاهم ... بدلو الشروط لصالحهم
- اب عبدو : جربة ... مكانش امل قالو لي مهدي مستواه عالي علينا و مش راح يقبلو بينا ... كان واعدهم بنجاحات كبيرة و خافو يكملو معانا و يخسرو
- سالم : يصرا لي يصرا ... خليوني من وجع الراس .... نستاهلو كلش وش راه صاري فينا ... و من درك نقولكم لقيتو حل ديروه ملقيتوش واحد ما يسمعني حسو
رمالهم كلامو و مشا و خلاهم يتخبطو ... كفاش راح يحلوها و احتمال الافلاس راهو غير يكبر و يستاهلو هدا جزاء لي يظلم يتييييم هدا جزاء الطمع .. جزاء الكدب
___________
- ليليان : حياتي
- مهدي : اا روحي
-ليليان : حبيت نرقد عييت
- مهدي : اوكي هيا نرقدو ... ( قفل البيسي و هي هزت راسها من على كتفو ... )
- ليليان : متكملش خدمتك ؟
- مهدي : و نتي تسناي ؟ ... الخدمة متخلصش ... هيا حبيبي عييتي نروحو نرقدو مع بعض
- ليليان : دبلت عينيها و تلعب بصباعها على رقبتو : تعرف منحبش نعطلك على خدمتك بصح
- مهدي : اممم كملي
- ليليان : والفتك .. والفت نرقد فحضنك .. منكونش مرتاحة بلا بيك
- هزها بين يديه و هي ولات تظحك يمشي و يحكي و هو متبسم : حتى انا يا روحي ... و مرانيش عارف كفاش حاكم روحي عليك ..
سمعت كلامو غرست راسها فصدرو و خنست .. طلعها لبيتو حطها فوق السرير و جبد شورت و تريكو خفيف لبسهم و راح ليها جبدها لحضنو و رقدو في سلااااام ..