فاق الصباح راسو يوجع مرقدش مليح قلبو مش مرتاح رغم اللي ابتسام حبيبتو فجنبو اما قلبو ناقص ... فيه فراغ كبير ... للحظة فكر فليليان ... ممكن تكون مكانتها ... ممكن تانيب ضمير ... يمكن حب الاخوة ... مكانش متوقع الاحداث توصل للمواصيل هادي ... صح هادي هي الدنيا ... انت احسب و خطط ... لكن اللي كاتبو ربي يصرا
داخل للكوزينة يحوس عليها شم ريحة القهوة و هي واقفة توجد و تحط ... قرب ليها باسها على خدها و قعد
- ابتسام : شبيه اسومتي قلقان
- اسامة : لا حبيبي .. عادي
- ابتسام : تخبي علياا ؟ نعرفك كيما نعرف روحي
- تنهد تنهيدة تهد الجبال : ااااه .. مش عارف راني غارق ... غاااارق
- قعدت فالكرسي اللي جنبو و حطت يدها على وجهو : ماكش غارق .. راني معاك .. دايما واقفة معاك
- اسامة : قوليلي وش ندير ااه .. مقدرتش نفصل بين عقلي و قلبي .. عقلي راه يقولي كمل انتقام تاعك لازم نرجع حق والديا ... و قلبي يقولي روح ألحق وش بقا من والديك و متخليهاش ضيع منك ... صراع راهو داخلي يا ابتسام انصحينييي
-ابتسام : تبع قلبك ... مكنش حاجة تريحك كتر ما تبع قلبك ... لانو هاد المرة ادا خسرتها راح تتعدب كتر ... هادي آخر قطعة بقاتلك ... تعرف اللي انا يتيمة و عايلتي كامل مش سامعين بيا ... تمنيت تكون عندي اخت نشكيلها ... تمنيت يكون عندي اخ يحميني ... راني نحس بيك .. و نحس بليليان اكتر ... مهما يكون مهدي معاها و غامرها بالحب ... مش راح يعوض بلاصتك ... حتى هي محتاجة اخ يحميها .. اخ يكونلها الكتف اللي تتسند عليه ... فكر فهدرتي و انشاء الله راح تتخد القرار الصحيح
- جبدها ضمها ليه : ربي يخليك ليا و دايما واقفة جنبي
- ابتسام : و يخليك يا عمري ... امييين ... هيا حبيبي اشرب قهوتك راح تبرد
- اسامة : اييييه ريحتها على صباح هبلتني ... مي نتي هبلتيني كتر ..( باسها بوسة خفيفة على شفايفها و بعد عليها يترشف فقهوتو و يحكيو )
بعد ما خلص قهوتو خرج هو و ابتسام يدورو يبدل جو .... مخنوق من جو الشركة ... حابب ينحي على بالو و يصفي افكارو ... و فنفس الوقت يحوس مع حبيبتو و يعوضها على كل دقيقة اهملها ... بسبب الخدمة و انشغالاتو
VOUS LISEZ
عشق ليليان 💥💕
Roman d'amourكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
