عشق ليليان 💥💕

💕25💕

بعد ما خرج بقات تخمم فكلام - ههههههه شفقة عليا سي مهدي ...
بدلت حوايجها و رقدت بلا ماكلة احسن ما تروح تتعشا و تسمع هدرتهم على الحفلة ... استناها فالعشا ما جاتش فهمها و عدرها
__________
دخلت لقاتو فالصالون قاعد ...شافها وقف راح يعنقها بعدتو عليها
- ابتسام : هكا دير تخليني نجي وحدي !! علاه ما جيتش تستناني فالمطار ؟ ... تبعتلي فالصنم تاعك !!
- اسامة جبدها ليه و عنقها : ههههههه باينة توحشتيني بديتيها من الدخلة عياط ...( عنقتو و ظحكة )
- ابتسام : اييه تواحشتك السامط ... ( بعدت عليه )... علاه ما جيتش تستناني
- اسامة : ما نقدرش ندخل المطار سالم محاصر المدينة كامل و رجالو فكل بلاصة مستنفرين ... يحوسو عليا ... يخي تفاهمنا تكون المفاجئة فالحفلة
- ابتمسام : ايه راني متحمسة ... قولي رانا مدعوين !!
- اسامة : بيان سور ... وجدي روحك مليح
- ابتسام : اكييييد
- اسامة : هيا نروحو نتعشاو و ترقدي غدوة نهار طويل
______________
فاقت الصباح كرشها تغني من الجوع هههههه شافت الساعة لقاتها 6 - اوووه انا حمارة نوض الوقت هدا ... ماعليش نروح ناكل و نوجد روحي نخرج قبل ما يتلمو و يفتحو سيرة الحفلة يفزدولي مورال على صباح .....لبست و هبطت للكوزينة ... دارت قهوة و حطت نوتيلا فالتوست و تاكل خلصت فطورها و خارجة... اااوووووب تخبطت فحيط داخل للكوزينة ( مهدي هو الحيط هههههه ) .. كانت رايحة طيح اللورا حط يدو على حزامها و لزها ليه ... جات العين فالعين بقاو سارحين فبعضهم ... فاقت بعدت عليه ... و تشوف معا فورمة جسمو باين كان يدير سبور ... فاق بيها حمحم
- احم .. وين سرحتي
- حشمت هبطت راسها و تعدي فيدها على رقبتها تبرد فيها من سخانة الحشمة : شوف قدامك كي تمشي ما تدخلش برك
- امممم ... اوكي... راح للفريجيدار جبد الما شرب : راكي مبكرة اليوم .. نشوف فيك متحمسة للحفلة اكتر مني
- واقيلة نتا لي تحددلي وقت رقادي..... مشات و خلاتو
راحت للشركة و بدات تتفقد فالتحضيرات حتى هو لحقها و كملو خدمتهم