يشوفو فسلمى هابطة من الدروج .. بقاو يشوفو كامل عينيهم محلولين على وسعهم الصدمة و التعجب على وجوههم .. سلمى تشوف معاهم و تتبسم .. مهدي عينيه تغيكساو ما نجمش يبقى قاعد .. وقف و طلع فالدروج و عينيه ما تحركتش... وصل جنب سلمى تكلمت
- سلمى مهدي...( هي ما كملتش و هو تخطاها و كمل يمشي )
وقفت باهتة دارت وىاها تشوف وين رايح و وين يشوف ... لقات ليليان واقفة وراها و مهبطة راسها تعدل فالغوب( التصويرة ) حصلتلها فالطالون ... كانت تعدل فالغوب و فقدت توازنها جات بش طيح تحطت يد على حزامها .. ما فاقتش بروحها غير مكبشة فيدبه الكبار بالنسبة لبديها الصغار ... راسها مطابس و هي تشوف فرجلبه من غير ما تهز راسها عرفتو .. برفانتو عرفت عليه هزت راسها تبسمت
- مرسي ... فالوقت المناسب كيما كل مرة ههه.( هبطة وجهها حشمانة )
كان سارح فيها و هي تفارع فالغوب وصل عندها سندها و باقي سارح فيها .. و فعينيها و شفايفها الي شهاوه و حب يغطس فيهم ..فاق من سرحتو
- بلا مزية ... حط يدو على يدها ... تفضلي
متسندة عليه بش ما طيحش فالدروج ماشيين و ناسيين العايلة الي تتفرج فيهم و سلمى الي النار شاعلة فيها ... لبست و عرات فالاخير شاف مع ليليان و هي ما عبرهاش ... لابسة ربع ميترة فخادها و صدرها براا ( هادي زعمة جابت مصممة ههههه )
وصلو قدام سالم ..ليليان جبدت يدها منو
- ليليان : مسيو انا نسبقكم نتأكد من الاوضاع و المدعوين .. مشات خارجة
مهدي كان رايح يحبسها و جدو جبدو من يدو
- سالم : مهدي .. نروحو درك وقت ... و نروح معاك فطوموبيل
- مهدي ما عرفش وش يهدر كان ناوي يدي معاه ليليان لكن جدو حس عليه و فزدلو : اوكي
ركبو كامل .. عبدو و باباه و يماه فطوموبيل .. سلمى فطوموبيل تاعها ... اب مهدي و ام مهدي فطوموبيل ... سالم و مهدي فطوموبيل ...خارجين من البوابة الكبيرة تاع القصر شاف ليليان واقفة تستنى فطاكسي ... هدر معاها
- مهدي : ليليان ... ادخلي شوفي شوفور يوصلك
- ليليان شاقت مع سالم لقاتو يشوف قدامو و ساكت : اوكي
دخلت ركبة و مشات وراهم
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
