Unicode
အခြေအနေက လုံးဝရှေ့မတိုးသာတော့တဲ့အချိန်မှာ ကိစ္စက မမျှော်လင့်ဘဲ ပြေလည်သွားခဲ့တယ်။ ဘယ်သူကမှ ဘာ့ကြောင့်လဲဆိုတာ အသေအချာမသိဘူး။ ဒူယူးယူကတော့ ပြုံးပြီး သူလုပ်တာမဟုတ်ဘူးလို့ပြောတယ်။ ဒါပေမယ့် လူတိုင်းက သူ နှိမ့်ချနေတယ်လို့ပဲ တွေးကြတယ်။
ဘာပဲဖြစ်ဖြစ် အားချန်နဲ့သူတို့တွေကို အဲ့နေ့မှာလွှတ်ပေးလိုက်ကြတယ်။ ပျော်စရာဖြစ်ရပ်ပဲ။ သဘာဝအားဖြင့် သူတို့တွေက အတူတကွလူစုပြီး သောက်စားပျော်ပါးကြဖို့ကို မေ့လို့မရနိူင်ဘူး။ အူးယမ်တောင်မှ လိုက်သွားခဲ့ရတယ်။
လူတိုင်းက သေဆုံးခြင်းကနေ ကတ်သီးလေးလွတ်လာနိူင်တာကို အလွန်အကျွံအရက်သောက်ပြီး စားသောက်ရင်းနဲ့ ပျော်ရွှင်စွာ ဆင်နွှဲနေကြတယ်။ လူတွေစုမိတဲ့အခါ သူတို့က ဒီနေ့ညမှာ လုံလောက်စွာ မသောက်ခဲ့ရင် နောက်တစ်နေ့သေတော့မလိုမျိုး သောက်ခဲ့ကြတယ်။ ကျောင်းလီကလည်း သူ့အတွက် တစ်ခွက်ယူပြီး ဘီယာကို ရေလိုမျိုးသောက်ခဲ့တယ်။
အူးယမ်လည်း ပျော်ပျော်ပါးပါး သောက်စားဖို့ ပါဝင်ခဲ့ပြီး သူ့သည်းခံနိုင်စွမ်းက မကောင်းပေမယ့် တော်တော်လေးသောက်ခဲ့တယ်။ ကျောင်းလီက သူ့ကို "မင်းက အမြဲတမ်း ငါ့ရဲ့အကောင်းဆုံးညီအစ်ကိုပါ" လို့ပြောရင်း တောင်းပန်ခဲ့တယ်။ ပြီးတော့ သူတို့နှစ်ယောက်စလုံး တစ်ပုလင်းစီချလိုက်တယ်။
အရက်က ကောင်းတဲ့အရာပဲ။ သူ သောက်လိုက်တာနဲ့ အရာအားလုံးကို မေ့ပြီး ပျော်ရွှင်လာခဲ့တယ်။
ဘီယာနဲ့အရံဟင်းတွေကို ထပ်ခါတလဲလဲ ကျွေးမွေးခဲ့တယ်။ ဒါက အူးယမ်အတွက် အခြားသူတွေနဲ့အတူ မဆင်မခြင်သောက်တာ ပထမဆုံးအကြိမ်ဖြစ်တယ်။ မကြာခင်မှာပဲ သူက အရက်မူးလာပြီး သူ့ထိုင်ခုံပေါ်မှာ စပြီး မှေးစဥ်းလာတော့တယ်။
သူက လှုပ်နှိုးခံလိုက်ရပြီး လူတိုင်းက နောက်တစ်ခါထပ်သောက်ဖို့ သွားချင်နေကြတယ်။ အူးယမ်လည်း လိုက်ချင်တုန်းဆိုပေမယ့် သူက သူ့မျက်လုံးတွေကိုတောင် မဖွင့်နိူင်တော့ဘဲ တည်ငြိမ်စွာ လမ်းမလျှောက်နိူင်တော့ဘူးဖြစ်တယ်။
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...