Unicode
ခြေလှမ်းကျဲကျဲနဲ့ အထဲဝင်လာတဲ့လူမှာ မကောင်းတဲ့အမူအယာတွေရှိနေတယ်။ အူးယမ်ကို မြင်သောအခါ သူက သိသိသာသာကို အံ့အားသင့်သွားပြီး သူ့အမူအယာက ပိုတောင်မှ ဆိုးရွားလာကာ ရှောင်ရွှမ်းကို မျက်နှာချင်းဆိုင်ဖို့ ခေါင်းလှည့်လိုက်တယ်, "မင်း ပြန်သွားတာ ဘယ်နှရက်ရှိနေပြီလဲ? ဒီဟာက ဟုတ်လို့လား?"
ရှောင်ရွှမ်းက အူးယမ်ကို တစ်ချက်ကြည့်လိုက်ပြီးနောက် သူ့ကို ပြန်ကြည့်တယ်, "ကျွန်တော် ပြန်မသွားတော့ဘူး"
"ဘာ?" ရှောင်တန်ရဲ့အသားအရောင်က ဖြူဖျော့သွားတယ်။ သူ့အသံကတော့ တည်ငြိမ်နေတုန်းပဲ, "မင်း ငါ့ကို ပြန်ပြောနေတာလား? ငါ မင်းကို ကိစ္စသေးသေးလေးတွေမှာ အလိုလိုက်ပေးတယ်, နားထောင်သင့်တဲ့အချိန်မှာတော့ မင်း ဒေါသထွက်နေလို့မရဘူးလေ"
ရှောင်ရွှမ်းက သူ့မျက်လုံးတွေကို အနည်းငယ်အောက်စိုက်ချလိုက်ပြီး ပြောတယ်, "အစ်ကို, အစ်ကို ကျွန်တော့်ကို ခြိမ်းခြောက်လို့မရတော့ဘူး"
ရှောင်တန်က အေးစက်စွာနဲ့ တစ်ကြိမ် ရယ်မောလိုက်တယ်, "အိုး?"
"နောက်အပတ် ဘုတ်အဖွဲ့ ရဲ့အစည်းအဝေးမှာ အစ်ကို သိသင့်တယ်, နောက်ပိုင်းမှာ အစ်ကို နောက်ဆုံးအနေနဲ့ ပြောစရာရှိတော့မှာမဟုတ်ဘူး"
ရှောင်တန်က အံ့အားသင့်သွားပြီး သူ့မျက်နှာက အစိမ်းရောင်သမ်းလာကာ သူ့အသံက အနည်းငယ် မတည်မငြိမ်ဖြစ်လာတယ်, "အဲ့ရှယ်ယာတွေ မင်းဝယ်လိုက်တာလား?"
ရှောင်ရွှမ်းက တိတ်ဆိတ်နေပြီး သူ့ရဲ့ရှည်လျားတဲ့မျက်တောင်တွေက အနည်းငယ်တောင် မတုန်လှုပ်နေဘူး။
"မင်း ရူးနေလား? ငါ အနားယူလိုက်ရင် မင်းက ရှောင်းအုပ်စုကို အနှေးနဲ့အမြန် အမွေရမှာလေ, အခု ဘာလုပ်နေတာလဲ? မင်းက ပုန်ကန်ချင်တာလား?"
"ကျွန်တော် အစ်ကို့ရဲ့လက်ဖဝါးထဲမှာ ပုံသွင်းမခံတော့ဘူး"
"မင်း ဘာပြောလိုက်တယ်! မင်းက ရှောင်းမိသားစုရဲ့ သားလေ, ငါ မင်းကို လုပ်ခိုင်းတဲ့ကိစ္စတွေက မင်းရဲ့တာဝန်တွေပဲ မဟုတ်ဘူးလား? ငါလုပ်ခဲ့သမျှက မင်းရဲ့အကျိုးအတွက်ပဲ, မင်းခေါင်းထဲမှာ ဘာတွေတွေးနေတာလဲ?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
