Unicode
အူးယမ်က မြန်မြန်ဆန်ဆန် မတ်တပ်ရပ်လိုက်တယ်။ ရှောင်တန်က သူ့ကို "မင်းလည်း ဒါကို သေချာစဥ်းစားထား, မင်း ပျောက်သွားဦးမယ်ဆိုရင်တော့ ပုရွက်ဆိတ်တစ်ကောင်ကို ဖျစ်ညှစ်လိုက်တာထက် ပိုလွယ်ကူလိမ့်မယ်" ဆိုတဲ့ အကြည့်တစ်ချက် ပေးတယ်။
ကုတင်ပေါ်ကလူငယ်ကတော့ အသားအရည်ဖြူဖတ်ဖြူလျော်ဖြစ်နေပြီး ကုတင်ခေါင်းရင်းမှာ ခက်ခက်ခဲခဲနဲ့ ထိုင်နေတယ်။ သူဝင်လာတာကိုမြင်တော့ သူက "ဆရာ" လို့ လှမ်းခေါ်တယ်။
အူးယမ်ရဲ့ခေါင်းပေါ်ကဒဏ်ရာဟာ ရိုးရိုးရှင်းရှင်းပဲ ပတ်တီးစည်းထားတာဖြစ်တယ်။ သူက အဝတ်အစားတွေကို မလဲရသေးဘဲ တော်တော်ဖရိုဖရဲပုံစံပေါက်နေခဲ့တယ်။
"ဆရာ, အဆင်ပြေရဲ့လား?"
"အင်း" အူးယမ်က သူ့ကုတင်ဘေးမှာ ထိုင်လိုက်တယ်, "ကျေးဇူးပါနော်"
ရှောင်ရွှမ်းက အားနည်းစွာနဲ့ ပြုံးပြတယ်, "ကျွန်တော့်ကို ကျေးဇူးတင်တာ? ဒါက ကျွန်တော့်ကြောင့် ဖြစ်တာလေ"
"မဟုတ်ပါဘူး" အူးယမ်ကလည်း သူ့ကိုနှစ်သိမ့်ဖို့အတွက်ဘာပြောသင့်တယ်ဆိုတာ မသိဘူး, "အဲ့လိုမတွေးနဲ့, ကောင်းကောင်းအနားယူလိုက်"
"ဆရာ"
"အင်း?"
"ဆရာကြောက်လား?"
"အာ..."
"ဒီနေ့လိုကိစ္စမျိုးတွေ...ဒါမှမဟုတ် ပိုတောင်မှ ဆိုးလာနိူင်တယ်"
အူးယမ်က ခဏတာမျှ တိတ်ဆိတ်သွားတယ်။ သူ မကြောက်ဘူးလို့ပြောရင်တော့ မှားလိမ့်မယ်။ သူဒေါသထွက်နေတာကြောင့်သာ ရှောင်တန်နဲ့ ငြင်းခုံရဲခဲ့တာဖြစ်တယ်။ သူ့ဒေါသတွေ ငြိမ်သက်သွားတဲ့အခါမှာတော့ ရှောင်တန်လို ရက်စက်ကြမ်းကြုတ်တဲ့လူနဲ့တွေ့ရတာက သူ့ကို ကြောက်ရွံ့စေတုန်းပဲ။
သူတို့က တစ်ယောက်ကိုတစ်ယောက် ခဏလောက်ကြည့်နေကြပြီးနောက် အူးယမ်က ပါးစပ်ဟလိုက်တယ်, "ရှောင်ရွှမ်း, လူတွေ ငါ့ကို ရိုက်တဲ့အချိန်တုန်းကလေ, မင်းလုပ်တာမှ လုံးဝမဟုတ်ခဲ့တာ, ဘာလို့ အဲ့တာကို ဝန်ခံလိုက်တာလဲ?"
YOU ARE READING
Going Against The Wind (Myanmar Translation) Completed
RomanceThis is just a translation. Original work is 逆风而行 by Author 蓝淋. So, I own neither the content nor the cover. All credit to original author and English translator. This is our first translation, and if anything goes wrong, it is our fault. This is En...
