مر شهر عادي وبديت اتعود على وجود عمو بالمطعم بدت مضاهرات تشرين والناس خبصه وحضر تجوال كلشي صار لعبان نفس.
اليوم جمعة معطلين ابوي طالع بسيارته وخلود بصالون گاعدين اني وايات ونبراس بالحديقة العصر اجه عبدالله وبيده طوبه وگال.
عبدالله:: يلا اخوان منو ينضم للمباراة الوديه بين الاخوه اني وضياء ضد ايات ونبرووس يلا يلا.
ايات:: الللعب هلاهلا يلا خالي تعالي نبروس وضلينه نلعب لحد المغرب دخلت خلود وبلشت العيطه.
خلود:: ها الزعاطيط الله يطيح حضچن مسويات بيتي ملعب يلااا كافي.
عبدالله:: اهداء كابتن شمالك ويه البنات والله خوش يراوغن هههه.
نبراس:: يمه العبي ويانه عليچ الله.
ايات:: ولچ نبراس حضر تجوال وعطله وين مولي بيها اذا طگلها عريج ههههه.
خلود:: ماعتب عليچ مامربايه.
ايات::اي والله مو مرباية عسلايه ههه غمتنه ودخلت جوه سويه عشى اجه عمو وتعشينه وگاعدين على الاخبار يمه الشباب يمرودن الگلب.
وشفت رجال نسخة من المعجب ب ضيي نسيت روحي وصح ولچ ضيييي مو هاذا نفسه اليحح... الكل باوع عليه وضي گرصتني طلعت روحي.
خلود:: اليحح شني قصدچ.!؟
ايات:: ااااا هاذا يشبه العامل الويانه اليححسب الماعين والطاولات.
ضي:: ايوو لتبررين مامجبوره حبيبتي وخلود عيوني تجادح نار عليه من زغري تضربني وتشتم بس من صار عمري 15 تمردت عليها بسبب خالتي.
گلتلي لتخافين منها وكلي ل ابوچ وصدگ صرت مااخاف منها وارد عليها لحد ماصارت هيه تخاف مني شاورتني ايات.
ايات:: والله هاذا يشبه الارهابي على گولتچ.
ضي:: الخوثه مو اله شويه چفصتي بيها وشيخلصنه من خلود الدلاله.
ايات:: ولچ مو صارله يومين لايتصل لا يجي المطعم خاف هم رايح لتحرير.
ضي:: وشعلينه واذا راح كافي كافي لاتحچين بي.
ضلينه گاعدين شويه وراحت ايات رجعت گعدت وحچه عبدالله.
عبدالله:: ضي حبيبتي ولچ والله العالم كلها راحت وانه ضليت شني موزلمه وبعدين رايح ويه علي ابن عمي خلف.
ضي:: انسى الموضوع انته متشوف الشهداء والجرحه والضيم ولك شباب بعمر الورد راحت بالرجلين انته شسالفتك مچلب.
خلود:: يمه عبود فدوه اروحلك اگعد واسكت لاتلح ماتروووح يعني ماترووح شوف ابوك شلون يتگرضم.
ضي:: عيون اختك انته والله العظيم اخاف عليك ماعندي غيرك انته كل هليي بعد ابوي وين انطي وجهي اذا صار بيك شي.
