منار:: هلا يمه ايات مو على اساس تجي ضيي وينه شو ماكو واتصل عليها جهازها مغلق.
سمعت هيچ وطحت من طولي مارايحه لخالتها يمه وين راحت اجتي امي تركض.
شيماء:: ها يمه وصلت شو جيبي الو هلا خيه.
منار:: هلا عيوني اگلچ مو على اساس ضي تجيني وينها شوكت طلعت من البصرة.!؟
شيماء:: ها خيتي مو... بطلت وغير يوم تجي واني اخليها تخابرچ من ترجع من الشغل مع السلامه حبيبتي.
سدت الاتصال وگعدت بصفي وكاضه راسها بديها وتلوم بروحها.
شيماء:: يمه سوده بوجهي وين راحت هاي البنية يمه اذا سمعو عمامها وابوها شيخلصها وين الله وعلي وترجع.
ايات:: انعل ابوهم لابو الخلفهم كله من وراهم راحت ضيي من وره حقارتهم وكرههم والله اذا صارلها شي اله اشتكي عليهم.
شيماء:: لا تحچين هيچ يمه گولي يا الله بلكي الله يهديها وترجع گومي يمه لاسوين بروحچ هيچ شفتي شگالت لتخلينها تبچي.
ايات:: االله يطيح حضها هالحقيره السافله الگلبه عود تخاف عليه لو بيها خير ما عافتني وراحت بس مطيييه ماتحبني چذابه بس خليني الزمها اله اگطع النعال على راسها.
شيماء:: اه لالا ماسوينها يلا گومي راح اصب غده غسلي وتعالي تغدي انتي مامتريگه.
ايات:: مالي نفس يمه گلبي مورم ادري وين راحت اذا مو يم خالتها وين لعد راحت هيه بس خالتها منار زينه وتحبها اما البقيه خيسه وانتي تدرين بيهم.
شيماء:: والله يا يمه مادري لاخال لا عم الله يساعدها ويهديها ترجع بالسلامة.
ايات:: زين انتي ليش ماگلتي لخالتها راحت.
شيماء:: بس تعرف تجي تگل لبوها واصير عليها سالفه خلي ابوها يرجع واني احچي ويا يلا يمه گومي لخاطري حتى لو بس شويه تاكلين.
هزيت راسي وگمت غسلت وصبينه غده اكلت شويه مالي نفس بالي يمها راحت بعد لميت المطبخ وصعدت لغرفتي لزمت تليفوني.
وطلعت كل صورنه ومقاطعنه خصوصاً مقطع البارحة بالحديقة بندت من البچي عقلي ياخذ ويودي غفيت مادري بروحي.
وحلمت بيها نايمه بصفي فزيت على صوت تليفوني بسرعه لزمته عبالي هيه طلع رقم سدي فتح خط وصحت بوجهه.
ايات:: خيييير شراييد.
سدير:: اشبيييچ زرفتي اذني صوت هاذا لو صرخة حوت.
ايات:: وعندي استعداد ازرف حتى عيونك الله ياخذك شرااايد انته.
سدير:: لا وانوب يگلي تنگط خجل دخيل الله ضييي وين ليش جهازها مغلق واليوم موبشغل شني مريضه.!؟
