خلت عيونها بعيوني وكل كلمه تگولها تصعد النار لراسي.
ضي:: الي منعني انته مالك علاقه بهاذا الطفل وراح انزله واخلص.
كلامها أستفزني لدرجه ماعرف شلون ضربتها راشدي ولزمت ايدها.
سدير:: شنو منغلته ومالي علاقه بي.!؟
سحبت ايدها مني وكألت بأستهتار خلت النار تاكل بيه.
ضي:: يي منغله بي عندك اعتراض.!؟
لزمتها من شعرها وسحلتها للغرفه شمرتها بالگاع نسيت حملها كلامها عماني رفعت راسها وكالت بإبتسامة.
ضي:: كرهني بعد بيك اكثر يله اضربني.
لزمت راسي وافتر بالغرفة هاي مو ضييي الي اعرفها مستفزة سيطرت على نفسي من سمعت كلامها.
ضي:: هه على اساس متغير وصاير انسان ثاني.!
گومتها وهيه ادفع بيه لزمت اديها ورى ضهرها وخليت وجهي برگبتها ما اريد غضبي يسيطر عليه وأذيها حچيت بتعب.
سدير:: اااخ ضي كلامچ هد حيلي وكرهچ كسر گلبي وغلات عيونچ تغيرت بس انتي بكلامچ خليتيني افقد اعصابي ابويه انتي لييش ضميتي عليه ترى والله حقي اعرف راح اصير اب ويجيني طفل منچ.
ضي:: وخر عني سدير وخر عوفني.
عفت اديها وشلتها خليتها على الچربايه گعدت گدامها ولزمت اديها وهيه تحوس زمخت بيها.
سدير:: بت الل... استغفرالله ولچ بربوگ اثبتي خلي اكل تبن.
گلبت عيونها وهدت.
سدير:: شيلي فكرة الطلاگ من راسچ ولسانچ انتي حامل ومستحيل اطلگچ.
ضي:: مممم يعني ماراح اطلگني.
سدير:: لا ما اطلگچ.
سحبت اديها وضربتني راشدي خلتني فاك حلگي.
ضي:: هااااي بس لأنك ضربتني راشدي.
قبل ما احچي جابتني براشدي ثاني بس اقوى وتبچي.
ضي:: وهااااي بسس لأنك صعدتني سحل و وگعتني واذا سمعتني صوتك راح افلش وجهك.
صگيت اسناني وحچيت بعصبيه.
سدير:: هاااي اخر مر.....
قبل ما اكمل سدت حلگي بأيدها وگالت بعصبيه مفرطه حتى وجها صار احمر.
ضي:: انييي مو گتلك لتحچيييي شنووو انته متفهم.!؟
لزمت ايدها ونزلتها وعيونها بعيوني عرفت غايتها شنو تريدني أذيها بس حتى تكرهني اكثر ابتسمت بطرف شفتي.
وگمت دخلت الحمام وصاير اعصاب تصرفها مستهتر سبحت وطلعت لاف المنشف على خصري لگيتها حاضنه اديها لصدرها وتبچي.
