البارت بي الفاض ومقاطع جريئه الي متحب اسوي سكيب.x
اللهم اني بلغت فأشهد.♡♡
.. .. .. .. .. .. .. .. .. .. .. .. .. .. ..
طفرت مثل المخبله اباوع على الچربايه ماكو ادور عليه بعيوني ماكو متت اكيد نزل وحچالهم كلشي.
منار:: اسم الله حبيبتي شبيچ يعمري ليش نايمه على الكرسي مو هاي چربايتچ.!؟
شو تحچي طبيعي يعني ماصاير شي بس سدير وينه وين راح ومنين طلع.!؟
ضي:: مو غفيت مادري بنفسي محتاجة شي حبيبتي.
لزمت وجهي وباستني.
منار:: لا ماماتي بس الساعة 8 وطلبنه عشى تعالي تعشي وارجعي نامي حبيبتي انتي.
ضي:: ماشي اغسل وانزل وراج.
هزت راسها ونزلت لزمت راسي وادور على اثر ماكو كلشي طبيعي فتحت باب الحمام ولگيه مرتاك على المغسله ويريد يشغل الجگارة.
دخلت وسديت الباب سحبتها منه اريد احچي ما احس غير لزم اديه ورى ضهري وخله گصته على گصتي وهمس.
سدير:: هاي ثالث مره تحرميني من الجگارة لهاذا السبب شفايفچ لازم تعوضني.
سحب شفتي بين شفايفه مااكدر اقاومه لازم اديه بيد وحده وايد لازم رگبتي احرك بجسمي اريد اخلص روحي ما اگدر.
يسحب شفتي بهدوء لدرجه جسمي كله كزبر ومعدتي تقلصت هاي مو اول مره يبوسني بس اول مره احس هيچ احساس غمضت عيوني.
اكو شعور غريب يجبرني استسلم حسيت جسمي يشتعل رغم برودت الجو وعيت على نفسي من نزل ايده لخصري يسحبني عليه اكثر.
حركت اديه لحد ما خلصت وحده دفعته من صدره وخر عني بس بعده لازمني حچيت بتوتر ورجفه..
ضي:: وخر.... عوفني خالتي تتريدنيي.
نزل راسه يهمس كدام شفتي.
سدير:: ينعل ابو الجگاره التلحگ شفافچ.
سحبت نفسي عافني يباوعلي وعاض شفته خليت شعري ورى اذني.
ضي:: قبل لتدخل خالتي انته هنا.!؟
سدير:: لا چنت گاعد وهيه دگت الباب ودخلت هنا حتى ما اسويلچ مشالكل.
ضي:: شكراً.
سحبني لحضنه مادفعته يبوس براسي ابتسمت على تصرفه مثل ايو من تريد شي تحضني وتضل تبوس براسي وخرت عنه.
سدير:: يلا انزلي احسن ما تجي خالتچ وتلزمنه بالجرم المشهود..
هزيت راسي اخذت تليفوني ونزلت لگيت منار ومعين حاطين الاكل ومنتضرين.
