(قبل متقرون البارت استمعو لأغنية اليسا عكس)(الي شافينها وانتو تقرون لأن تمثل ضي بهاذا)(البارت.)
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بارق:: والله اشتكي على ابوي ولا اشتكي عليچ انتي اختي ومنو يقبل اخته تنحبس.!؟
نزلت راسها وصدمتني من گالت.
ضي:: غدير وامتياز يعرفن بضرغام هوه الي گتل شهد.
فتحت عيوني ماجاي استوعب كلامها.
بارق:: يعني كلهم يعرفون بضرغام وساكتين لا وانوب يواسون اهلها وعادي.!؟
ضي:: لا بس ضرغام وغدير وامهم تبارك ماتعرف وما اتوقع ابوهم يعرف.
بارق:: هسه يجيبون ضرغام واذا عايش نفهم منه منو متعاون ويا هاي اذا ضل عايش.
نزلت دموعها وبس تشاهك خليتها تبچي براحتها نص ساعة ودخل مهدي يصفگ ويصوفر وسعد ومحمد شايلين ضرغام.
مصلخ والدم من راسه ونازل على وجهه وصدرة ضي من شافته گامت لازمه راسها وتصرخ عبالها ميت لزمتها اهدي بيها هدت من حچه مهدي.
مهدي:: خويه والعباس عايش دشوفي مثل روح الچلب نزلو شباب.
نزلو بالگاع وگام يون گعدها ورحت گعدت گدامه گوه يفتح عيونه محمد جاب مي ورش وجهه شوي شوي صحصح ويباوع علينه بس شاف ضي ضحك ضربته راشدي.
بارق:: يي ضرغام شني شوصلك لهل الحاله معقوله طفله تلزمك وتنعل والديك.!؟
ضرغام:: ااه خرب عرضها لكك يااطفلة غير تش.......
قبل ليكمل ضربته بوكس وهوه متمدد.
مهدي:: بارق فدوه اروحلك انطينيا خلي اسويله تمشيط سريع اخلي يحچي الأكو والماكو.
ضرغام:: شحچي يا اول يا تالي هاي الفرخه الي گاعده گدامك هيه عزمتني على نفسها وطلعت وياي بأرادتها لو شنوو رئيچ.!؟
بارق:: نفترض حچيك صدگ وطلعت وياك بأرادتها بس چنت تعرف شنو الي يدور براسها عليك.!؟
باوعلها بشك وشكه كلش واضح زدت صدمته من حچيت بثقه.
بارق:: هاذا مخطط من عدنه بس حتى نكشفك على حقيقتك وتعترف على روحك وامك واختك وياك وهسه ياحبيبي ثبتت عليك جريمة قتل واغتصاب شهد يعني راح تروح اعدام يحلووووووو لو شرايكم شباب.!؟
محمد:: ليش لا اعدام وفنه الي يعترض اسلگ صفيحة جدةة.
مهدي:: بس ها خلوني اشفي غليلي بي وبعدين اعدمو لتخلونها حصرةة بگلبي.
