ايات:: وخروو منا خلوني اشوفهااا.
فارس:: البت بتنه رحتي جبتي العالم واجيتي المن ليش مو هوه هاذا الي گال تعالو اخذو بتكم..؟
باوعت عليه مبتسم وعيونه تطاير شرار هاذا مو ابني شبيي دخيل الله ماعندي غير هاذا الحل.
ترافه:: هاذا الي گال اخوذو بتكم راح يصير زوجهاوهسه انطيني مجال اريد اشوفها.
راد يحچي سدير سحبته وراي ودخلت مخليلها جهاز اوكسجين وجهاز قلب وجها اثار ضرب شوفتها تمرد الگلب.
امسح على راسها وباوعت عليه رحت لزمته من قيصه وحچيت بتحذير.
ترافه:: اذا مانفذت كلامي وزوجتها قسم بالله العظيم اتبرة منك شوف شحالها ولك مو چنت تبچي عليها هاذا هم اسمي حب لااء هاذا مرض مرض.
سدير:: هه يي مرض جاي ياكلني وياكلها واذا تلاحضين اليوم سبعة بتچ وتريديني اتزوجها.!؟
ترافه:: يي تزوجها تخلي حلقة بيدها وعقد سيد ومحكمه ولا هلهوله ولا صفگه المهم تستر عليها بعد مافضحتها وادعي ربك ترضه بيك.
اجه بارق اخذه وطلعو وايات لازمه ايدها وتبچي گعدت بصفة واشوف رگبته مطگعه عزه بعينك سدير شمسوي بالبنيه.
ايات:: اگلچ خاله بعديش يزوجها ابنچ المصون بعد ماخلاها تكرهه.!؟
ترافه::ادري يمه ادري بعديش بس احسن ماعمامها يكتلونها وتنفضح گدام ابووها.
ايات:: والله العظيم خطيه ماشافت شي بحياتها من زغرها مشلوعة گلب وعمامها انذال حشاچ وهاذا سدير ولو ابنچ بس انذل منهم.
ترافه:: والله بعد هاي عملته اني هم اشوفه نذل.
ضلينه نحچي اني وياها واجت امها شايفتها بفاتحة عبد الله.
شيماء:: السلام عليكم شلونچ.
ترافه:: وعليكم السلام خيه الف هلا.
ايات:: يمه هاي.....
شيماء:: اعرفها ام سدير صديق عبدالله الله يرحمه شلونكم خيه.
ترافه:: الله يسلمچ والله الحمد الله.
راحت ايات يمها ومدري شهمست شكلها تفاجأة.
شيماء:: داده البقية بحياتچ خاتمة الاحزان انشاء الله.
ترافه:: يرحم والديچ ياعيوني.
ضلينه كاعدين نص ساعة منتضرينها تگعد شويه وگعدت گوه تفتح عيونها.
: : : : : : : : : : : : : : : : :
ضي:: فتحت عيوني گوه واشوف كلشي مغوش وعطشانه اجتي ايات تسأل.
ايات:: ضييو حبيبي شلونچ موجوعه تريدين شي يگلبي.
