سدير:: شمرته من فوگ للگاع.
ضي:: ها.
سدير:: شمرته من فوگ للگاع.
ضي:: ههه تشاقه صح.
طلعت جگارة وخليتها بحلگي واباوعلها بعدها مصدومه.
سدير:: يي اشاقه شلاگيتني مجرم واسويها.!؟
ضي:: لا بس الي يشوف ملامحك الجديه يصدگ وو شكراً على مساعدتك ماراح اگدر اجازيك.
شفايفها تتحرك وعيونها تلمع بيهن الدمعه وجها يضوي مركز بملامحها وهيه تحچي.
سدير:: تگدرين اجازيني.
ضي:: بشنو.!؟
رجعت راسي على الكرسي سحبت النفس الاخير من الجگارة وشمرتها باوعت عليها.
سدير:: بشفافچ ضييي.
نزلت راسها ورغم شعرها گعكه سوت الحركه الي تخلي شعرها ورى اذنها احب هاي حركتها متوتره وتعصر بأديها.
سدير:: انزلي ضييي.
اخذت الغراض ونزلت وگفت نص الطريق ورجعت صعدت مغمضه عيونها وعاضه شفتها.
سدير:: نسيتي شي ضييي.!؟
فتحت عيونها وتباوعلي وصدرها يصعد وينزل تتنفس سريع شالت نفسها تريد تتقرب لوجهي رجعت وجهي عنها وهمست.
سدير:: شسويين ضييي.
خلت گلبي يركص من همست.
ضي:: ابوسك.
سدير:: لييييش.
ضي:: انته گلت.
سدير:: ماريدها بواضح النهار خليها باليل تصير الذ واكثر حدة.
سحبت نفسها رادت نتزل سحبتها من ايدها وهمست.
سدير:: راح اصبر نفسي بالجگارة لليل.
سحبت ايدها ونزلت واني مثل الخبل حلگي واصل ل اذاني دخيل الله تريييد تبوسني.
حركت السيارة وطلعت لشركة اشتغلت على كم ملف تغديت ول 5طلعت للبيت دخلت وعياط ميمي واصل لعرعر.
سدير:: خلللللص انتي گح•• شبييييچ رحمة للگوا••
وانته ياعمي فاضل دخيل ربك انته شنو شغلك متلطها على حلگها.
امتياز:: شوف سدير خليني متحملتك لا والله العظيم افضحك بين الخلگ كله.
كعدت وخليت رجل على رجل وجگارة بحلگي واضحك عليها شلون تهادد.
امتياز:: ضرغام يرجع لهاذا البيت واذا مارجع اجهولك فاهم لو لااا.
سدير:: ماما ماما غطيني خفت من خاله ميمي اووي قاسيه وعسبيه كولش عسبيه اممم.
