سدير:: وانتي بخير ترافة گلبي.
امم حليگها چنه حلقومه هه لعد شتگولين على الضايگه لااااااء لتفكر بيها ابد طلعها من تفكيرك.
ايات:: ضيو راح احچي بس لضربيني بداعتي.
ضي:: وليش اضربچ احچي.
ايات:: اتصلي على سدير وأسألي والله الفضول يذبحني تعرفيني اموت والله.
ضي:: انتي گلتي لضربيني بس ماگلتي لدفريني اسكتي احسن ما ادفرچ.
ايات:: ضي ماتشاقه وياچ جاي احچي صدگ اتصلي عليه اسألي واذا هوه گليله شكرا وبعدين ارجعهن الك.
ضي:: اوووف مادري ايو مادري مالي خلگ احچي خصوصاً وياا ما اطيقه خيه رادت تحچي ايات ودگ تليفوني.
ايات:: هاذا عزيز ردي عليه ضيوو.
ضي:: انتي ردي وگليله نايمه ردت وفتحت مكبر الصوت.
ايات:: الوو.
عزيز:: هلا ايات شلونچ.
ايات:: اهلا بيك تمام الحمدلله.
عزيز:: شلونها ضي وينها.!؟
ايات:: ضي زينه ونايمه.
عزيز:: نوم العافيه ديري بالچ عليها خليها تاكل زين ولضل تبچي لتخلينها وحدها ابقي يمها.
ايات:: لتوصي حريص غير اختي.
عزيز:: عفيه عليچ ايو الورد تصبحين على خير.
ايات:: وانته بخير سديته منه ولو ما ضي چان گمت اگمز اگلچ ضى ليش مارديتي عليه والله عيب سمعتي شلون يوصي بيه عليچ چنه گلب والده.
ضي:: والله العظيم مالي خلگ احچي ومانسيت شلون سدير تحارش بيه وحذرني ما اتقربله اخااف ايات.
ايات:: اگلچ شو اني حتى سدير حبيته مدري هاذا مرض مدري جفاف شو هاي رافعه تك حاجب وتباوعلي.
شمالج ضي ترى والله عزيز خوش رجال ويحبچ وسدير هم مبين خوش رجال شفتي شلون امه ويانه تلث ايام واگفه على وگفتنه.!؟
ضي:: خيه ترى بس عبد الحسين ماگلتي عليه يخاف عليه ويحبني.
ايات:: لا وينه عبد الحسين رجال مزوج وبگد ابوچ لا صدگ ضي تر......
ضي:: سدييي حلگچ لتخليني ادفرچ تعاي انام ونچبي.
ايات:: صار خيه بس كلشي ولا دفراتچ.
ضي::نامي وما ادفرچ خليت راسي بحضنها وابچي وهيه هم هاذا حالنه يوميه لحد ماغفيت.
ضياء يحلوو هههه تعال نلعب طوبه ضييييو متلعب وياي ضي وينچ گومي حضري ملابسي اريد اسبح وسويلي عشى من اديچ الحلوة جوعان راح اگعد بصاله.
