ضي:: شنو قصدك حباب احچي.
صف السيارة على صفحة ولز وجهي بديه.
سدير:: ضييي عمامچ ابيتكم راح اوصلچ وادخل وياچ واليحچي اشگه بنص.
هوه يحچي واني مركزه على خوفه عليه نزلت اديه وعدلت نفسي.
ضي:: ليش خايف عليه.!؟
باوعلي وجگارته بحلگه.
سدير:: لأن احبچ ضييي احبچ واريد احميچ من كلشي واذا اتگولين شبسرعه حبيتني ترى صار تلث سنوات من اعرفچ.
يحچي واني ويه كل كلمه يكولها ازيد دگات گلبي وتوتري يحبني و يعرفني من تلث سنوات منين وين شوكت رجع گال.
سدير:: ضيي تسمعيني شبيچ متحچين.
شحچي خلي استوعب وافهم شجاي يصير.
ضي::ممكن توصلني ابوي وحدة هناك.
هز راسه وحرك السيارة طول الطريق متوتره وخايفه من الي راح يصير الله اعلم علي شحاچيلهم عني وعن سدير.
وصلنه راس الشارع وگتله.
ضي:: نزلني هناا اني اكمل وحدي.
سدير::ننزل اني وياچ وعنا.......
قبل ليكم صحت بي.
ضي:: نزلنيي هنااا ولتدخل كافي الصارلك اليوم واذا دخلت وياي.
راح ازيد الطين بله خليني اروح وافهم ما راح يصيرلي شي ابوي موجود.
لزم ايدي وگال.
سدير:: مستحيل اخليچ وحدچ ضيي انت.......
ضي:: بداعت امك عوفني وروح الله يخليك رووح وخلص ماراح يصيرلي شي.
عاف ايدي وگال ابرود.
سدير:: انزلي.
نزلت بدون صوت دخلت البيت واسمع الصياح گبل دخلت المطبخ فتحت.
جرار الكاونتر وطلعت سچينه ودخلت عليهمه گامو بوجهي وجوهم تنگط سم خلف فارس ومعتصم وعلي.
فارس:: اهاا اجيتي بت عنود وينه صويحبچ شو وحدچ.
خلف:: خويه ارجع واگلك خلينه نزوجها لصاحبها ونخلص من القال والقيل احسن ما ازوجها لبنك واجيبلكم الطاري الموزين.
معتصم:: اني لا اريدها ولا اتحمل وكاحتها متبري منها حتى غلط مني اجيت.
علي:: لااا لا معتصم ولا صاحبها اني اخذها واكسر رگبتها واعلمها اشلون ايصير العناد.
يحچون وكلمن عنده رئيي وابوي كاض راسه وگاعد وخلود ونبراس.
على صفحة اجه علي يريد يلزمني وطلعت السچينه وخليتها على رگبتي وعطت بيهم.
