وحسيت بالخنگه نفسها امسح على صدري واقراء اية الكرسي يبست بدمي من سمعت صوت طگطگه بالحمام
ذبيت الغطه وطفرت فتحت الباب ولاگاني سدير نضربت بصدرة حضني ويحچي بخوف.
سدير:: شبيچ حبيبي ليش خايفه صاير شي..!؟
لزمت اديه واتنفس سريع طبينه وسد الباب گعدني على الچربايه يمسح بوجهي حچيت بصياح.
ضي:: ليش طكيت الباب من طلعت اكو واحد يتصرف هيچ.!؟
باوعلي مستغرب زاد خوفي من گال.
سدير:: شبيچ حبيبي تري حتى مالحگت اخلي ايدي على الباب وانتي طلعتي بوجهي هستوني اجيت شبيچ ضييي..!؟
ضي:: تشاقه صح.!؟
لزم وجهي وحچه بهدوء بس مبين عليه معصب.
سدير:: حبيبي شصار احچيلي منو ضرب الباب شجاي تحچين.!؟
مسحت وجهي وخليت شعري ورى اذني ولزمت اديه.
ضي:: يعني مو انته الي دخلت قبل شوية حباب احچي الصدگ.!
سدير:: وغلات عيونچ مو اني يمكن ترافة گلبي اجت تطمن عليچ.!؟
ضليت صافنه بوجهه وافكر يمكن تكون صدگ امه اجت تشوفني زين وصوت الطگطگه.!؟
سدير:: حبيبي تعالي نامي عيونچ حمر وتأخر الوقت وباچر اني اسأل ترافة گلبي.
هزيت راسي ودخلت جوه الغطى خله تليفونه وجگايرة على الميز طفه الاضويه ودخل وياي سحبني لحضنه يمسح على ضهري رفعة راسي.
ضي:: سدير ممكن متخليني وحدي وتطلع باليل.!؟
سدير:: امم شنو تعلقتي بيه.!؟
نزلت راسي وسكتت خجلانه شلون اطلب منه يضل يمي وقبل ساعات اگله لتتقربلي باس راسي وحچه.
سدير:: ماشي حبيبي ماراح وحدچ بس ليش صاير شي ومتريدين تگليلي..!؟
حچيت بصوت مخنوگ بس اريد ابچي.
ضي:: خايفه.
سحب ايده من جوه راسي وگعد شغل الاضويه بصف الچربايه غطيت راسي وابچي سحب الغطى وخر شعري عن وجهي.
سدير:: شبيچ ياعروگ اديه من شنو خايفه وليش هالبچي.!؟
ضي:: اريد ارجع للبيت ماريد ابقى هنا.
سحبني گعدت يمسح بوجهي وعيونه ذبلانه گال بهدوء.
سدير:: ضييي يروح روحي هاذا بيتچ هاذاك مو بيتچ وحتى لو رجعتي محد راح يستقبلچ ماعندچ احد غيري اني ابوچ وامچ وزوجچ ليش خايفه واني يمچ.
