ضي :: انته مو رحت شرجعك.!؟
سدير:: انتي مو ماراح ترجعين اني هم باقي وياچ وما ارجع.
گعد بصاله ويباوعلي من فوگ ليجوه دخيل الله شسوي هسه.
ضي:: مو كافي دمرت علاقتي ويه ابوي وهسه اجه دور خالتي كافي عاد حل عني.
رد عليه بهدوء.
سدير:: جوعان سويلي غده.
ضي:: ادري مخلفتك وناسيتك امشي روح اكل بره شعليه بيك اني هسه تجي خالتي ورجلها يلا اطلع مابيه هم اسويلي صيت هنا.
طلع جگارة وخلاها بحلگه راد يشغلها بسرعة سحبتها منه رجع راسه على التخم وضحك.
سدير:: ههه تخافي على صحتي.!؟
ضي:: لا فاهم الموضوع غلط متهمني صحتك بس ما اريد اصير ريحة جگاير بالبيت وتجي خالتي.
سدير:: الساعة 2 ميجون هسه لو نسيتي.!؟
ضي:: سدير.
سدير:: روح سدير.
ضي:: اطلع منا الله يخليك.
سدير:: ماشي اطلع بس سويلي اكل.
ضي:: ليش متاكل بره لو عندك فوبيى ونفسك عزيزه.
سدير:: لا عادي اكل بره بس مابيه حيل واريد من ايدچ يلا تحركي حتى اكل واروح.
ضي:: اكيد تروح.!؟
سدير:: يي گتلچ اروح بس يلا متت جوع وانطيني جگارتي.
جعصتها بيدي ودخلت للمطبخ سمعت يحچي وراي.
سدير:: هه جسره
سحب كرسي وگعد يراقبني بعيونه وجكارته بحلگه.
ضي:: لدخنننننن بالمطبخ هسه اصير الريحة بالاكل.
سدير:: دخيل ربچ احس نفسي جاي اتعارك ويه زوجتي شبيچ يا ضييي.!؟
ضي:: خيالك واسع طفي جگارتك واطلع.
فتحت مي السنگ اغسل بأديه ما احس غير اديه على خصري ويبوس بشعري حاولت اوخر اديه سحبني على صدرة ويحچي بهمس.
سدير:: دخيل الله شمشتاقلچ ضييي شسويتي بيه من رحتي اااااه دمرتيني يابنيه لا وحليانه البربوگ دخيل ربچ.
احوس بين اديه اريد اخلص نفسي منه ماتحرك.
ضي:: لتفشر و وخر عني اكره هالتصرف عوفني شبيك.
دارني عليه وخله اديه على السنگ حصرني بصدرة وعيونه مركزهن على شفتي گال بهمس.
سدير:: احچيي ضييي.
جسمي يرجف واتنفس سريع من گال احچي ضاع الحچي مني يبست بدمي من اندگ الباب...
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
