ضي:: كااافييي استغلال ليش جاي تلعب بعصابي كل شويه اكرهك اكثر واكثر.
طاح گلبي من گال..
سدير:: ماشي متشوفين ابوچ مثل ما دخلتي اطلعين..... بره ضييي.
مشى گدامي وفتح الباب منتضرني اطلع لزمت ايده حيل بأضافري.
ضي:: ولشوكت مترجعه لشوكت تبقى مستغلني وتلعب بعصابي ليش.
سدير:: من گد حبي الچ اسوي كلشي استغلچ اضوجچ ابوسچ اللمسچ كلشي اسوي.
ضي:: الحب مو بالاجبار الحب بين شخصين مو بين رافض وقابل سدير 12 سنه بينه وما احبك لتصرف هيچ حباب خلص رجع ابوي ترى والله لعبت نفسي.
سحبني من خصري ولزگني بصدرة وخله وجهه برگبتي ويهمس.
سدير:: اي مشاعر قبلچ چذب لا حب ولا شي انتي وبس ضييي وياچ احس بالكمال والدفو بالمشاعر بهواي اشيا........
قبل ليكم دخلت السكرتيره لأن چان الباب مفتوح گحت بدون ميرفع راسه اشرلها بيده تروح خزرتني وراحت دفعته ما وخر.
سدير:: شگد عنيده دخيل ربچ اثبتي خلي ترد روحي لتحوسين تعرفين فارق الطول بينه شگد.
ماحچيت بس ارجف خلص حيلي واحس بدوخه وتعب رجع گال.
سدير:: انتي 160. واني 185. وتستاهلين انزل كلي بس حتى احضنچ دخيل الله انتي وين چنتي عني.!
يحچي واني احس روحي خلصت عيوني گوه افتحها رجليه ميحملني اخر شي اذكره من وخر ولزم وجهي بعد ما حسيت على نفسي.
<><><><><><><><><><><><><><><><><><
سدير:: حاضنها بين ادي واحچي وياها وخرتها ولزمت وجها گوه تفتح عيونها وگعت من طولها شلتها بحضني وخليتها.
على التخم ذبيت مي على وجها دخيل الكعبه حتى الحضن متتحميلنه اضرب على خدها شوي شوي فتحت عيونها وبعدها متمدده.
سدير:: هيچ حبيتي حضني لدرجة الاغماء ماتوقعتها منچ ضييي.
خلت اديها على وجها وتبچي مثل الجهال وربي مالت گرط خليت ايدي جوه راسها وگعدتها سحبت اديها ماقبلت.
گعدت بصفها وامسح على راسها ومستمره تبچي خليتها شويه وخرت اديه ولزمتهن بيد وحده ومسحت دموعها.
سدير:: خلص كافي اهدي گلبچ راح يوگف.
عيونها تلمع عاضه شفتها وخازرتني لزمت خدها ماتحركت غمضت عيونها.
ضي:: ماشي اسوي التريده بس رجع ابوي.
سدير:: افتحي عيونچ من تحچين وياي وبعدين شنو الاريده.!؟
