هوه يحجي واني اريد رجليه تتحرك او صوتي يطلع ماكو جمدت بمكاني حسيت ايد على چتفي درت وجهي لگيتها ميمي ضحكت بوجهي وگالت.
امتياز:: مرت سدير يامرت سدير موعيب عليچ تتنصتين.!؟
الدمعه بعيني وحرگه بگلبي وبعد ايدها على چتفي دفعتني گدامها للمطبخ ضرغام وغدير گامو بوجهي ضرغام ابتسم بطرف شفته.
امتياز:: مرت سدير شكلها سمعت شي ماچان المفروض تسمعه٠
سحبني ضرغام ودفعني على الباب وحبسني بينه وبين الباب ويباع على وجهي وجوه راد يحچي ومدري منين اجتني الشجاعه وضربته بركبة رجلي بين رجليه وگع يتلوه.
ردت اطلع وما احس غير غدير جرت شعري بيدها حيل وامتياز سحبت ايدي وگعدت على الكرسي غدير لازمه شعري وامتياز راحت لضرغام.
امتياز:: يمه حبيبي سوده بوجهي شو تگدر تگوم.!؟
حچه بوجع ومن اسنانه.
ضرغام:: ااه بت النعال ااخ انطيني ايدچ.
سندته وگام گعد گدامي على الكرسي وأشر لغدير توخر ايدها عافت شعري خله اديه على الميز ويحچي بكل حقارة.
ضرغام:: انتي صح سمعتي بس راح اوضحلچ اكثر شوفي غزالتي شهد منو اغتصبها..!؟
گعدت بصفه امتياز وغدير من رجع حچه حسيت كلشي گدامي يفتر.
ضرغام:: اني اغتصبتها عناد بيها وبأخوها وچنت ناوي اخلص عليها بس فلتت مني ولاگت ابوچ والرجال طاح بيهااا.
ومن عرفنه ابوچ المشتبه بي زدنه الطين بله وثبتناها على ابوچ وبفضل منو عرفنه ابوچ المشتبه بي بفضل.
گال هيچ وأشر على غدير حضنت اديها لصدرها وعلى وجها ضحكه شيطانيه گال بحقارة.
غدير:: قبل متسألين شلون عرفت اني اگلچ من طلع سدير منهار على اخته طلعت حتى اواسي بس سمعته يحچي هوه وبارق وعزيز ويگلهم طلع ابو ضي المتهم.
حچيت بهدوء عكس النار الي بگلبي وكلام امتياز يبس الدم بعروگي.
ضي:: وليش اعترفتو على نفسكم گدامي متخافون اروح احچي لسدير عليكم..!؟
امتياز:: لا مانخاف لأن انتي راح تموتين يحليوه لو شنو رئيچ غدوره.!؟
باوعتلي غدير ورجعت باوعت لضرغام ومتت من گالت.
غدير:: حبيبي ضرغام شوف شحلاتها وانته نفسك بيها وهيه بعدها بت بيت شرايك تعيشها لحضات حميميه قبل لتكتلها بس هاا لتأذيها مثل شهد.
غمزت اخر كلامها باوعتلهم همه تلاثه واني وحدي شلون اخلص نفسي من هم اذكرت كلشي مريت بي من زغري لحد هاي اللحظة.
