ضي :: ابغرفتي وحاضني وهوه ابو الراهي عليه لا ويتأمر دخيل الله شيخلصني من هالسدير على دفو حضنه نمت.
.................................................................
سدير:: حسيت على صوت الباب يدگ وهيه حاضنتني وجها قريب على وجهي ريحتها طيبه نسيت الباب يدگ وصافن بوجها على دگ الباب فزت تفرك بعيونها واصيح.
ضي:: اجييت يمعودين.
ضحكت عليها فتحت عيونها بوجهي تباوع لشاباك طالعه الشمس ورجعت باوعلتي وگالت بهمس وخوف.
ضي:: حباب ادخل بالحمام بس اشوف منو يلاااا.
گمت دخلت الحمام وسمعتها تحچي ويه ابوها.
ضي:: صباح الخير حبيبي.... اخذتني النومه... لا ما اروح للمطعم اروح لعرس بنت اخو معين.... يي خالتي البارحه يمنه تعشت وراحت..... يي حبيبي اني وايات وامها... ماشي يروحي بسلامة.
علاقتها حلوه ويه ابوها شويه واجتي فتحت الباب وگالت.
ضي:: تعرف الساعة 9 وانته بعدك هنا ادري هسه شلون تطلع وليش بقيت نايم لتضحك احچي.
شلون معصبه وتحچي بهمس وخوف شعرها مخربط احذتها بحضني.
سدير:: اشش دخيل الله اهدي غير كله من وراچ اخذتني النومه.
دفعتني وگالت بأنفعال يجنن.
ضي:: اووو عليك الله وشلون بله من وراي.!؟
سدير:: هوه الي يحضن خصرچ مو بس تاخذه النومه تاخذه غيبوبه.
مسحت وجها وخلت شعرها ورى اذنها وگالت بتحذير.
ضي:: ابوي طلع بسارته راح الهي خلود بين ماتطلع ماشي.
هزيت راسي طلعت شويه ورجعت.
ضي:: يلا اطلع خلود بالحمام يلا يلا.
بست خدها وطلعت نزلت فتحت الباب ولاگتني ايات فاتحه عيونها مصدومه زدت صدمتها وگلت.
سدير:: صباح الخير جفن عين بارق.
تعابير وجها متنوصف اخذت سيارتي وطلعت اضحك عليها هسه تستلم ضييي.
.................................................................
ايات:: سمعته گال جفن عين بارق هلو بارق فاضحني دخيل الله وهاذا شعنده من الصبح طالع منا.
دخلت اصيح على ضي ماكو صوت صعدت لغرفتها فتحت الباب لگيتها تباوع من الشباك صحت بيها.
ايات:: ضي النعاله سدير شعنده من الصبح طالع من بيتكم المن اجه.
هزت ايدها وتضحك.
ضي:: ابشرچ هاذا بايت هنا مو جاي من الصبح ويا اياااات كلمه زايده اضربچ دفرة اافر طحالچ خوووش.
