:: اخخ ياضي عيني باچر اشوفچ ونحچي يلا روحي نامي بويه.
ضي:: ضي عيني.!؟
اتصلت على ايات وحچيت الها على عبدالله وعلى ابو ضي عيني اني بالمطبخ وسمعت عياطها من.
بيتهم مو من التليفون منگد مامتحسه صعدت لغرفة عبد الله ونمت بفراشه بس حطيت راسي نمت منگد ماتعبانه.
ايات:: گعدت من الصبح تريگت وبدلت وطلعت لبيت ضي دگيت الباب طلعت بوجهي خلووود.
خرب ماردت اتصبح بوجه البومه غمتني وطبت گتلها غمچ ربچ وكسر ركبچ بس ماسمعتني تمشي وطي×× وراها جسمها يخزي وخبيثه.
لگيت نبراس وابوها بالحديقه گعدت يمهم ونزلت ضي اخذتها وطلعنه للمطعم حيل متحمسه اليوم نعرف اسم الشخص العاشق الولهان.
ضي::ايات لا اطيح حضچ موچفصين بسالفه خليچ ثگيله عيب رجال غريب.
ايات:: يارجال غريب بويه 3 اشهر يروح ويجي على مطعمنه ويسأل عليچ وعلي هسه يطلع يحبچ وگولي ايات گالت.
ضي:: بكبر ابوي شيحبني وبعدين نسيتي اكثر من مره تجي ويا وحده شكل هسه يطلع ابو نسوان.
ايات:: ان بعض الضن اثم لا تحچين هيچ على الرجال يجوز اخواته بنات عمه خاله.
ضي:: اوووي يا ايات كلشي ولا اطلعينه غلطان عمت عينچ.
ايات:: ولچ هاذا ابو النسب شلون اطلعه غلطان
وصلنه المطعم وطلعت عيوني واني انتضره يجي وضي ميته ضحك عليه.
ضي:: هههه ويه ابو النسب شو ماكو شني مامليتي وعيونچ على الباب.
ايات:: ضيي انچبي لا اطيح حضچ هسه يچي.
ضي:: ههه يجي يجي لليل وماكو اجت مجموعة شباب لابسين لبس رسمي وبيهم خمسه ضحك وشقى صوتهم عالي راحت ايات اخذت طلباتهم.
حضرنه طلابتهم واتصلت ام ايات طلعت تخابر واني اخذت الطلبات اوزعها على طاولتهم انتبهت.
بعد واحد ماموجود كملت و واحد گال غيرت رئيي اريد گهوه ترگيه شلت الگهوه اغيرها درت وجهي.
ونضربت بصاحبهم انذبت الگهوه على صدره وقميصه ابيض گتله اسفه بس انته اجيت فجئه عاط بوجهي وعيونه على قميصه.
:: شبيج ثوله مشوفين بنت ال...
:: فوگ ماضربني يصيح هييوو انته الي مشوف وضربتني وبنت ال الشنو شو هاذا صفن بوجهي شبيك بابا وخر
:: اخخ بويه مو بنيه باع الجسم الوجه العيون الحليگ صفنت بوجهه وكتلها تريدين تعرفين بنت الشنو.!؟
ضي:: يي بله بت الشنو.
:: ثولة بنت الاثوول.
ضي:: گلي هيچ لو بودي افلش وجهه صگيت اسناني وحچيت انته الاثول ولتجاوز يااا اثول.
