سدير:: عنيييده خرب يومچ تمام بزونتي لتنامين.
نص ساعه ونامت هه شكد تعاند وگفت على صفحة ورجعت الكرسي ليوره ملامحها حيل بريئه حركت السيارة.
اربع ساعات دخلنه النجف خليتها نايمه قفلت السيارة ونمت على نومتها...
.................................................................
ضي:: حسيت الصبح على صوت السيارات عدلت نفسي سدير نايم حاولت افتح الباب بس السيارة مقفله.
ندسته بيده مره مرتين ما عگد گرصته من خده عقچ ملامحه رجعت ندسته بيده گعدت يحگ بعيونه.
سدير:: صباح الخير شوگت گعدتي.!؟
ضي:: صباح النور قبل شويه.
سدير:: ماشي راح انزل شويه واجي لتنزلين.
هزيت راسي نزل نص ساعة ورجع بيده علاگه خلاها بحضني چان بيها چادر صلاة لأن مالابسه شال.
سدير:: يلا ندخل نزور من تكملين تلگيني منتضرچ اباب الخروج.
هزيت راسي نزلت للحمامات غسلت وتوضيت ولبست الچادر ودخلت زرت ابو الحسنين شگد بچيت وشكيتله صليت وطلعت.
وگيته منتضرني اباب الخروج ويلعب بتليفونه وگفت گدامه شال راسه وضل صافن بوجهي ومبتسم.
ضي:: يلا كملت.
ماحجه بعده صافن بوجهي.
ضي:: سدييير يلا شبيك وين صافن.
سدير:: صافن بوجهچ چنچ گمر وضاوي ابقي لابستها لايگتلچ حييل.
يقصد چادر الصلاة لأن بعدني لابسته.
ضي:: لايگلي بس مو چني گمر شدعوة.
سدير:: وحق هاذا المكان الشريف الي احنى بحضرته اشوفچ تضوين وعيونچ تلمع ضييي اسم على مسمى
راسي خجلانه وجهي احسه اشتعل گال.
سدير:: بس لحضه خليچ بمكانچ.
ضليت واگفه بمكاني طلع تليفونه واخذلي صوره
ضي:: احم يلا نطلع.
هز راسه وانطاني ايده بس ما لزمتها ضحك ومشى گدامي امشي ورى شخصيته قويه ويخطف الانضار چان لابس تشيرت نص اسود وبنطرون حشدي.
وصلنه السياره صعدنه وتوجهنه للمگبر ساعةوصلنه نزل جاب مي ورد وبخور.
تصرفه حيل محترم وحباب بس دخلنه كمت ابچي واشاهگ ذبيت نفسي على گبر عبدالله اصرخ واحچي حچيتله كلش.
صار وياي بهاي الايام ضليت مخليه راسي بس اشاهگ گومني من ايدي ويمسح بوجهي سحبني ورى امشي والتفت وراي لحد ما.
