اخذني ودخلنه جوه اباوع لصاله كلش چبيره واثاثها فخم وحلو
اجتي امه تبوس بيه هيه وتبارك وما احس غير شعري انجر حيل ونسحبت من حضنها ونشمرت بالگاع وگعت على اديه.
گومتني ترافه اباوع هاي مرة چبيره بالعمر وگف بوجها سدير صاير نار ويحچي من بين اسنانه.
سدير:: انتي منوو وتمدين ايدچ عليهاااا لخاطر ربچ منووو.
زكيه:: لصيح كلها بت مجرم مغتصب مگطمه ولفيتها على بيتنه شني دم اختك رخيص تروح تزوجها واجيبهااا.
سدير:: دخيل الله شلون تريدني احرگ البيت وما بي لتشمرين بالحچي الزمي حدچ وخليني محترم نفسي ومنچب لتطلعين شياطيني.
ترافه:: عمه مايصير اول طبتها تعاملينها هيچ هاي احترامها من احترام سدير وچنتي ولاهيه ولا ابوها الهم ذنب بموت شهد.
زكيه:: اششش انتي اخر من يحچي من رحتيلها للمستشفى غسلت ايدي منچ انوب رحتي جبتيهاا انتي وابنچ ولا عدكم ذرة احترام لا الي ولا لموت شهد.
سدير:: اااش كافي عاد كافي لتخليني ارجع واذكرچ انتي ابيت منو گاعدة منو الي تمشي كلمته على الكل.
انتي وميمي واي شخص يتقرب لمرتي ميلوم غير نفسه وانتي يااا ميمي عيونچ شكو تطاير شرار اهتمي برجلچ ونزلي عينچ.
باوعت على صفحة وشفت وحده بگد خلود وبصفها بنيه حلوه ثنيناتهن خازراتني منو بيهن ميمي يبع شنو من اسم ميمي.
امتياز:: والله عيوني تطاير على تصرفك ضرغام الي تهمتو بالتحرش طردته وهاي الي گتلت اخت.......
قبل لتكمل راح وگف گدامها ويحچي وياها بجرئه وبدون خجل ضليت فاتحه حلگي.
سدير:: ابنچ گواد ومنيو++ وصاقط وطالع عليچ بس هاي تشرفچ انتي وابنچ واشرف منكم واحد واحد اذا اسمع بيچ.
لووو بغيرچ متقربلها لو غاثها اله اخليكم اجدون شوارع البصرة من الطول لطول خليني غافل عنچ ومچفيچ شري.
اجه سحبني من ايدي وصعدنه فوگ اجتي امه ورانه دخلنه غرفتة كلش چبيره واثاثها لونه اسود وابيض كلش حلو.
ترافه:: يمه ضي يعيوني امسحي بوجهي تصرف عمتي زكيه چبيرة وگلبها محروگ بس والله گلبها طيب.
ردت ارد عليها سبقني سدير وگال.
سدير:: ضييي خليها تولي ولتحترمينها زكيهفد وحدة تكيف على الغلط وح........
قبل ميكمل امه ضربته على چتفه وصاحت بي.
ترافه:: ارعن شلون تعلم البنيه هيچ مو عيب عليك الچبير احترامه واجب.
رد عليها وخلاني اضيع بهدمي من كلامن وهيه حابسه ضحكتها واني ميته خجل.
سدير:: كفيلچ الله ماراح تحترمها هيه متحترم عمامها وفوگ هاذا كله تسمي رجلها نذل وحقير تريدينها تحترم زكيه الغريبه.!؟
