ذبيت الجكارة من حلگي ودستها خليت اديه بجيوبي وحچيت بهدوء عكس البركان البداخلي.
سدير:: بعدچ مستعدة اتنفذين طلبي.!؟
عضت شفتها الجوه ونزلت عيونها وهزت راسها لزمت فكها ورفعت راسها وحچيت بهدوء.
سدير:: باليل اريدچ جاهزه تستلمين هديتي بس هااا خليها بينه وضلي هنا.
غمزت اخر كلامي ملامحها خايفه باوعت على شفتها وعضيت شفتي ورجعت همست.
سدير:: نلتقي باليل.
دفعتها ونزلت طلعت بعدني ماواصل السيارة ونزلت ايات صعدت السيارة بس مختنگ حيل احس نار تطلع من عيوني وراسي وگلبي.
بارق:: شصار شگلتلك.!؟
ضليت ساكت واسحگ جگاير بس اريد اهدء كل ما اذكر علي شلون حاضنها احترگ اكثر والنار تاكل بيه وصلنه البيت دخلت واستلمني بارق.
بارق:: سدير صدگني خلود چذابه ومستحيل ضي اسوي هيچ يعني مع.........
قبل ميكمل صحت بوجه.
سدير:: اذاااا تريدني اولي گلي ولي بس لتبرر غلطهاااا هيه الي سوت هيچ ومتأكد مليون بالمية كلام خلود صح ماشفتها شلون حاضنها وبشارع حت ما شالت ايدها ودفعته خلته يوخر من كيفه لتبررر باررررق.
راد يحچي اخذت سويچ سيارتي وطلعت للبيت بس ما اشوف گدامي وصلت البيت ولاگتني ترافة گلبي تسأل رديت عليها من بين اسناني وصعدت لغرفتي.
وكسرت كلشي موجود بيها واصيح انهاريت حيل رجعني لوعيي صوت ترافة گلبي تبچي واصيح عليه فتحت الباب الها ودخلت.
تباوع على الغرفه گعدت بالگاع ورجعت راسي على الباب روحي رايحه اجت گعدت بصفي وخلت راسي على رجلها وتفرك براسي غمضت عيوني.
ترافه:: سدير ليش هيچ اسوي بروحك شمالك يمه شجاك.
سدير:: يمه روحي جاي تحترك اني بنارين بينها وبين شهد.
ترافه :: مني هيه يمه وليش بنارين.
وخرت من حضنها وباوعتلها لزمت وجها وبست راسها وگمت دخلت الحمام سبحت وطلعت لگيتها على گعدتها اخذت ملابسي ورجعت للحمام لبست وطلعت.
سدير:: گومي ترافة گلبي.
مديت ايدي لزمتها وكومتها لزمت وجهي وگالت بتحذير وكأنها تعرف شنو الموضوع.
ترافه:: لتسوي شي وتتندم عليه طول عمرك حاول تفكر بعقلك قبل مشاعرك.
نزلت اديها وبوستهن وطلعت اخذت سيارتي وطلعت لشقتي.
. .. . .. . .. . .. . .. . .. . .. .
ضي:: انطينه الفلوس ل بارق ورجعنه چنت كلش مرتاحه خلصت من الدين رجعنه لبيت ايات ولگيت سيارة على گدام بابنه.
