عافني ومن حرگتي وجع راسي حچيت بدون وعي وچان قصدي ازوج غيرة بس ما چنت اعرف هاذا الكلام راح يدمر حياتي.
ضي:: سدير صدگني راح اخليك تندم واحرگ گلبك وأأذيك.
رجع ضربني راشدي وراسي انضرب بجامه رجع لزم فكي وحچه من بين اسنانه.
سدير:: هاي ثاني مره تعيدينها وتهدديني اذا اجرأتي وتصرفتي بغباء لو تهور اخذ روحچ لو اصيرين الهوه وادوس على گلبي وراسچ مو عبالچ احبچ وتساهل وياچ.
بقيت اباوع بعيونه وهوه معصب ولازم فكي راسي يوجعني ودايخه غمض عيونه وعض شفته ودفعني اشوف كلشي گدامي يفتر طلع جگارة وخلاها بحلگه وحيل معصب رجع گال بهدوء.
سدير:: انزلي ضييي.
فتحت الباب ونزلت امشي واحس الگاع تفتر بيه وگفت شويه اريد اتوازن تليفوني يدگ نزلت راسي فتحت الجنطه ايو تتصل جاوبت عليها.
ضي::افتحي الباب ايو.
ماعرف شلون وصلت بيت ايو طلعت حضتنها وصعدنه لغرفتها.
-•-•-•-•-•-•-•-•-•-•-•-•-•-•-•-•-•-•-•-•-•-•-•-•
سدير:: احس نار بجسمي بگلبي من العصبية عيونها بعيوني بس مو عيون تكتل جرت الكحل محليتهن اكثر.
شويه شويه حسيت كل غضبي تلاشه غرگت بعيونها دفعتها ولتجأت لجگارة نزلت وعيوني عليها حيل حلوه.
بس كل ما اذكر مصطفى شلون لزمها اتخبل لا وزادت الطين بله من واگفه گدام عزيز وتحچي صح ماشال عينه عليها.
بس سمع صوتها وبعد نفسه بيها ونوب هيه تگلي ضجت لان ما باوعلي ماعرف شلون اخليها بس الي.
كلامها ضوجني من هددتني ماريدها تروح من ايدي حركت سيارتي وطلعت لبيت بارق وروحي كارها.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ترافه:: رجعنه من العرس بس سدير ما رجع ويانه طلع معصب ورجعنه ويه عزيز وشهد وتبارك بس يصورن ويضحكن وصلنه لگينه امتياز شاده راسها ومتمدده بصاله وغدير تفرك بديها.
ترافه:: يا خيه سلامتچ غدير شبيها امچ.!؟
زكيه:: ترافه لايصير گلبچ ارهيف كلشي مابيها مثل البزونه سبع ارواح اگللها خلي فاضل ياخذچ ماترضه يطبها طب.
غدير:: لا بيبي مشوفينها متخربطه كل شويه وگالت اريد تبارك تعالي تبارك ناخذها لغرفتها.
راحت تبارك گعدت بصفها وتبوس بيها.
تبارك:: سلامتچ حبيبة شبيچ خلي ناخذچ للمستفى.
امتياز::لااا يمه ما اريد مستشفى اخذوني لغرفتي ااخ يا راسي يمممه تبارك نامي يمي يمه.
