فلوس هواي وكلها ورق جمعت كل المستندات خليتهن فوگ الخزنه وسديتها يبست بدمي من نفتح الباب بدون ما ادير وجهي.
خليتهن جوه الملابس المصفطه ودرت وجهي لگيته حاضن اديه لصدرة وعاكف حواجبه سحبت نفس وحاولت اهدي نفسي عكس رجليه الترجف.
تقدم وگف گدامي شلت راسي اوصل لصدرة عيونه بعيوني والف سؤال بيهن لزم خدي وحچه بحدة.
سدير:: شدسوين ضييي.
رديت عليه بهدوء بس حتى اضيع شكوكه واقنعه بكلامي.
ضي:: ولا شي بس جاي اكتشف الغرفة من الملل واشوف ذوقك بالملابس.
يمسح على شفتي بأصبعه ذبلت عيونه وحچه بهدوء.
سدير:: وعجبچ ذوقي.!؟
حچيت وشفتي تلامس اصبعه.
ضي:: يي حلو وفخم الوانه غامقه.
ابتسم بطرف شفته ودفعني على الكنتور وبعده يتلمس بشفتي نزل راسه يهمس بأذني.
سدير:: ومن شوكت تهتمين بذوقي وملابسي حبيبي.
غمضت عيوني ومركزه بصوته احس جسمي كزبر من قربه حچيت بهمس.
ضي:: مو مهتمه بس من المل......
قبل ما اكمل اخذ شفتي بين شفايفه وسحبني من خصري عليه خليت اديه على صدره ادفع بي وخر بس بعده لازمني وهمس.
سدير:: اششش خليني اروي عطشي بشفايفچ احسن ما اجاوز وأأذيچ.
غمضت عيوني ونزلت اديه خفت اقاومه رجع يبوس بشفتي شوي شوي وصار يسحبهن باسنانه غمضت عيوني مقاومه الوجع شويه ودگ الباب وخر عني وصاح..
سدير:: منووو.!؟
دخلت امه متوتره ابتعد عني وراح باس اديها ويحچي بهدوء.
سدير:: هلا بيچ ترافة گلبي عبالي غيرچ وصحت تعالي اگعدي.
باوعتلي وگعدت على التخم وگامت تسولف ويا وتسأله عن عزيز باوعتلها وابتسم اجتي تحچي ويا بس لأن خايفه عليه.
ترافه:: يلا حبيبي اسبح وارتاح.
باسها وطلعت ضل گاعد واشراي اروح يمه ردت اگعد بصفه سحبني لحضنه گعدت على رجليه يتلمس بخدي وسألني.
سدير:: اني ما گايلچ تذا تريدين اطلعين گليلي شعجب اتصلتي وسألتيني اذا اقبل او لا.!؟
خليت شعري ورى اذني وحچيت بهدوء.
ضي:: ماعرف عبالي ماتقبل واني ما اريدگ تعصب عليه.
خله راسي على صدره وحضني يمسح على ضهري احس براحه من يتصرف وياي بهيچ حنيه غمضت عيوني ومركزه بصوت دكات گلبه لحد ما گال.
